ايماقتار • 06 ماۋسىم، 2020

الماتىدا 1 كۇن كولىك قوزعالىسىنا تيىم سالۋدى ۇسىندى

246 رەت كورسەتىلدى

وسىدان بىرنەشە اي بۇرىن الماتى اكىمى باقىتجان ساعىنتاەۆ الەۋمەتتىك جەلىلەردە الماتىدا دەمالىس كۇندەرى سەرۋەندەۋ ءۇشىن كەيبىر جولداردا كولىك قوزعالىسىنا تيىم سالىنۋى مۇمكىن ەكەنىن ايتقان.

«قاي كوشەلەر تۋرالى كەيىنىرەك حابارلانادى. دايىن بولىڭىزدار»،  دەپ جازدى  قالا اكىمى ب.  ساعىنتاەۆ سول كەزدە.

ەندى بۇل ۇسىنىستى الماتىنىڭ بەلسەندىلەرى مەن بلوگەرلەرى قولداپ وتىر. ولاردىڭ پايىمداۋىنشا، الماتىدا 1 كۇن كولىك قوزعالىسىنا تيىم سالۋ ەكولوگياسىن ساۋىقتىرىپ جىبەرمەسە دە، ءبىراز ادامداردى ويلاندىرۋى ء تيىس.  

ساۋلەتشى جانە بەلسەندى جاننا سپونەر ايدىڭ ءار ءبىرىنشى جەكسەنبىسىندە الماتىنىڭ ورتاسىنا اۆتوموبيلدەر ءۇشىن جابۋدى ۇسىندى. اكىمدىكتە ونىڭ ۇسىنىسى قابىلداندى.

جاننا سپونەر  –  قالاداعى اۋا ساپاسىن جاقسارتۋ يدەيالارىن جاسايتىن قوعامدىق ساراپشىلار توبىنىڭ مۇشەسى. ونىڭ ايتۋىنشا، ۇسىنىلعان باستاما - اۋقىمدى باعدارلامانىڭ كىشكەنە عانا قادامى. ول ايىنا ءبىر رەت الماتىنىڭ ورتالىق كوشەلەرىن كولىكتەردەن بوساتۋدى ۇسىندى. ء«بىزدىڭ ۇسىنىسىمىزدىڭ قوعامدىق كولىكتەرگە، جەدەل جاردەم نەمەسە الەۋمەتتىك ماڭىزى بار كولىكتەرگە قاتىسى جوق. تىم بولماسا ايىنا ءبىر رەت ءال-فارابي   سياقتى قالا ورتالىعىنداعى كوشەلەردى كولىك كەپتەلىسىنەن قۇتقارۋعا سەپتىگىمىزدى تيگىزسەك دەيمىز. بۇل الەمدىك تاجىريبەدە بار ءۇردىس» ، دەيدى ول.
جاننا سپونەر اكىمدىك ءوزىنىڭ يدەياسىن بىرتىندەپ جۇزەگە اسىرۋدى جوسپارلاپ وتىرعانىن حابارلادى. الدىمەن تەك كەيبىر ۋچاسكەلەر مەن كوشەلەر، سودان كەيىن بۇكىل ورتالىقتاعى كوشەلەرگە شەكتەۋلەر ەنگىزىلەدى.

«اكىمدىك بۇل ۇسىنىستى قابىلدادى. بىراق بۇل ولاردىڭ يدەياسىن وسى جەكسەنبىدە ەنگىزە باستايدى دەگەندى بىلدىرمەيدى. بىزگە دايىندىق جۇمىستارى قاجەت. مۇمكىن، شىلدەنىڭ ءبىرىنشى جەكسەنبىسىندە شەكتەۋلەر مەن كارانتين جويىلعان كەزدە ءبىرىنشى كۇندى وتكىزۋگە تىرىسامىز»، - دەدى ول.

ساۋلەتشىنىڭ ايتۋىنشا، الەمنىڭ كوپتەگەن قالالارىندا ولار وسىنداي ءىس-شارالاردى، مىسالى، كولىكسىز كۇن وتكىزىپ جاتىر. سونىمەن قاتار، ول كەيبىر قالالاردا بۇل تاجىريبە اپتا سايىن بولاتىنىن اتاپ ءوتتى.

7 جىل بۇرىن يتالياعا بارعاندا وسىنداي اكتسياعا كۋا بولعان. سونان سوڭ وسىنداي  باستامالاردىڭ  ەكولوگياعا اسەرىن زەرتتەۋگە كىرىسكەن. ەگەر، ۇلكەن قالالاردا  ونداعان جىلدار بويى ايدىڭ 1 كۇنىن  كولىكسىز وتكىزۋ تۋرالى ۇسىنىس تاجىريبەگە ەنسە، بۇل  الەم ءۇشىن قالىپتى جاعدايعا اينالادى. ءتىپتى كەزىندە بۇل باستامانى بۇۇ شەڭبەرىندە زاڭداستىرماققا تالپىنىستار بولىپتى. ازىرگە، ۇسىنىس تالقىلانۋى، زەرتتەلۋ دەڭگەيىنەن ءارى اسپاپتى. ەگەر، الماتى بۇل ۇسىنىستى قولداسا، قازاقستان يتاليادان كەيىنگى № 2 مەملەكەت رەتىندە تىركەلەدى.  
«يدەيانىڭ ماقساتى – قالا تۇرعىندارىنا تىم بولماسا 1 كۇندى كولىكتەن شىعاتىن ۋلى گازداردان قۇتقارۋ، ال كولىك يەلەرىنە  ايىنا 1 كۇن جاياۋ جۇرۋگە بولاتىنىن ەسكە سالۋ.   كارانتين بىزگە بوس ۋاقىتىمىزدى قالاي جوسپارلاۋ كەرەكتىگىن، باراتىن جەرگە قوعامدىق كولىكپەن دە بارۋعا بولاتىنىن ۇيرەتتى. ارينە، بۇل اۋانى لاستاۋ ماسەلەسىن شەشپەيتىنىن تۇسىنەمىن، بىراق بۇل وعان نازار اۋدارۋعا، قالانى جەڭىلدەتۋگە كومەكتەسەدى. ادامدارعا جاياۋ ءجۇرۋ، موتوروللەر، ۆەلوسيپەدپەن ءجۇرۋ، دەم الۋ قانشالىقتى جەڭىل ەكەنىن سەزىنە الاتىن بولادى. مۇنداي كۇندى مەرەكەلەرمەن، بازارلارمەن، جارمەڭكەلەرگە ارناۋعا بولادى. كارانتين كەزىندە ءبىز الماتىنىڭ اۋاسى دەم الىپ قالعانىن، الاتاۋ الماتىعا بارلىق سۇلۋلىعىمەن، كوركىمەن جاقىنداپ قالعانىن كوردىك.    مەنىڭ ويىمشا، قازىر ادامدارعا بۇل يدەيا ۇنايدى »،  دەدى ول.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار