ايماقتار • 06 ماۋسىم، 2020

نۇر-سۇلتان: جول ماسەلەسى قالاي شەشىلىپ جاتىر؟

5 رەت كورسەتىلدى

نۇر-سۇلتاندا جول سالۋ جۇمىستارى بەلسەندى ءجۇرىپ جاتىر. بيىل ەلوردادا جالپى ۇزىندىعى 100 شاقىرىمدى قۇرايتىن 150 كوشە جوندەلەدى. ونىڭ 100 كوشەسى تۇرعىن الاپتارىندا ورنالاسقان.

«كەيبىر تۇرعىندار مۇندا 20 جىلدان بەرى تۇرادى. بىزگە اسفالت توسەدى. ول ءبىزدىڭ بۇرىننان بەرگى ارمانىمىز ەدى. وركەنيەت بىزگە دە جەتتى. قۋانىشىمىز باسىلار ەمەس. اسفالت توسەگەندە بارلىق تۇرعىندار جينالىپ، ۇستىنەن ءجۇرىپ وتتىك»، - دەدى وڭتۇستىك-شىعىس تۇرعىن الابىنىڭ تۇرعىنى لاۋرا سۇلتانبەكوۆا.

قازىرگى ۋاقىتتا 30 كوشەدە جۇمىس ءجۇرىپ جاتىر، اتاپ ايتقاندا ساتباەۆ، كونستيتۋتسيا كوشەلەرى مەن تۇرعىن الاپتاردا: مارقاكول كوشەسى، قاراساز تۇيىق كوشەسى، نۇرلى، ورحون كوشەسى، شىرايلى تۇيىق كوشەسى، قاپال كوشەسى، م.تولەباەۆ كوشەسى، قىرىققىز كوشەسى، مارالساي تۇيىق كوشەسى، جەلدىرمە تۇيىق كوشەسى، قوعالى تۇيىق كوشەسى، قاماجاي كوشەسى، اقبيداي كوشەسى، كەڭشالعىن كوشەسى، اقپان كوشەسى، باسىقارا باتىر كوشەسى. جول جوندەۋ جۇمىستارىمەن ەلوردانىڭ بارلىق تۇرعىن الاپتارى قامتىلادى.

15 ورتالىق كوشەدەگى جوندەۋ جۇمىستارى اياقتالدى: شۇعىلا كوشەسى، بۇقارباي باتىر، كوشەسى، اسان قايعى كوشەسى، اباي داڭعىلى، جەڭىس داڭعىلى، تۇران داڭعىلى، م. ماقاتاەۆ كوشەسىنىڭ جالعاسى، كەنەسارى كوشەسى، نۇرجول بۋلۆارى، ماسكەۋ كوشەسى، «تۇلپار» كوپىرىنىڭ استىنداعى اينالما جول، تاحا حۋسەين كوكشەسى، س. تورايعىروۆ كوشەسى، نۇرلىجول كوشەسى، Bi Village، Family Village اپاراتىن جول. جوندەۋ جۇمىستارى سانيتارلىق تالاپتاردى ساقتاي وتىرىپ جۇرگىزىلۋدە.

ء«بىزدىڭ ءۇيىمىز 2014 جىلى سالىندى. جاڭا اسفالتتى كورگەنىمىزگە قۋانىشتىمىز. بۇل جەردە جول بولماپ ەدى. بۇكىل ءۇيدىڭ تۇرعىندارى قۋانۋدامىز. بىزگە دە، بالالارىمىز ءۇشىن دە ىڭعايلى»، - دەدى وڭتۇستىك-شىعىس تۇرعىن الابىنىڭ تۇرعىنى اناستاسيا حاليۋللينا (نۇرلى تۇيىق كوشەسى، 2 ءۇي).

بيىل «جۇمىسپەن قامتۋدىڭ جول كارتاسى» باعدارلاماسى بويىنشا 15 مىڭ جۇمىس ورنى، ال جول جوندەۋ جۇمىسارى اياسىندا 1،5 مىڭ جاڭا ورىن اشىلادى. ءبىرىنشى كەزەكتە جۇمىسپەن قامتۋ ورتالىعى ارقىلى ورنالاستىرىلادى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار