شىعىس قازاقستان وبلىسى بويىنشا قارجى پوليتسياسى دەپارتامەنتىنىڭ قىزمەتكەرلەرى ءوسكەمەندە سوت ورىنداۋشىلارىمەن ءبىرگە سوت شەشىمدەرىمەن تاركىلەنگەن ويىن اۆتوماتتارىن جويدى.
شىعىس قازاقستان وبلىسى بويىنشا قارجى پوليتسياسى دەپارتامەنتىنىڭ قىزمەتكەرلەرى ءوسكەمەندە سوت ورىنداۋشىلارىمەن ءبىرگە سوت شەشىمدەرىمەن تاركىلەنگەن ويىن اۆتوماتتارىن جويدى.
ەل زاڭدارىنا سايكەس ويىن مەكەمەلەرى سالاسىنداعى كاسىپكەرلىك قىزمەتتى ارنايى ەكى ورىندا – اقمولا وبلىسىنىڭ بۋراباي – شورتاندى دەمالىس ايماعى مەن قاپشاعاي سۋ قويماسىنىڭ وڭ جاعالاۋىندا جۇزەگە اسىرۋعا رۇقسات ەتىلگەن.
الايدا, جاسىرىن ويىن مەكەمەلەرىنىڭ قىزمەتىنە تىيىم سالىنعانىنا قاراماستان, بۇل سالادا زاڭ بۇزۋشىلىق ەتەك الىپ وتىر. سوعان بايلانىستى دەپارتامەنت قىزمەتكەرلەرى ارنايى بەكىتىلگەن جەرلەردەن تىس ورنالاسقان كازينو جانە ويىن اۆتومات زالدارىن انىقتاۋ جانە زاڭ بۇزۋشىلىقتىڭ جولىن كەسۋ بويىنشا جۇمىستى جالعاستىرۋدا.
اعىمداعى جىلدىڭ 8 ايىندا زاڭسىز ويىن بيزنەسىن ۇيىمداستىرۋمەن كۇرەس سالاسىندا 17 قىلمىس اشىلىپ, 4 ونلاين – كازينونىڭ قىزمەتى توقتاتىلدى. سوتقا 5 قىلمىستىق ءىس جولداندى.
زاڭسىز اينالىمنان 53 ويىن اۆتوماتى, 29 جۇيەلىك بلوك, 1 رۋلەتكا الىندى. سونىمەن قاتار, ەلەكتروندىق لوتەرەيا دەگەن اتتى جامىلعان ۇيىمداسقان زاڭسىز ويىن بيزنەسىنىڭ جولى كەسىلدى. ەلەكتروندىق لوتەرەيا تەرمينالدارىنىڭ يەلەرىنە قاتىستى 6 قىلمىستىق ءىس قوزعالىپ, 66 ويىن تەرمينالى تاركىلەندى.
وڭداسىن ەلۋباي,
«ەگەمەن قازاقستان».
وسكەمەن.
