ايماقتار • 05 ماۋسىم، 2020

ماقتاارال: ورگەباس اۋىلىنداعى 197 ءۇيدىڭ بارلىعى جاڭادان سالىنادى

22 رەت كورسەتىلدى

تۇركىستان وبلىسىنىڭ اكىمى ومىرزاق شوكەەۆ كەزەكتى رەت ماقتاارال اۋدانىنداعى سۋ باسقان اۋىلداردى ارالاپ، تۇرعىندارمەن كەزدەستى.

ورگەباس جانە فيردوۋسي اۋىلدارىنداعى كەزدەسۋ بارىسىندا وبلىس اكىمى جاۋاپتى قىزمەتكەرلەرگە اپاتتان جاپا شەككەن تۇرعىنداردىڭ وتەماقىلارىن تەزدەتىپ تولەۋدى، اۋىلداردى قالپىنا كەلتىرۋ جۇمىستارىن جەدەلدەتۋدى جۇكتەدى. قيراعان ۇيلەردى بۇزىپ، قۇرىلىس ماتەريالدارىن تاسىمالداۋعا وزبەكستان ەلىنىڭ توتەنشە جاعدايلار جونىندەگى مينيسترلىگى تاراپىنان دا كومەك كۇشى جۇمىلدىرىلعان. ورگەباس اۋىلىنداعى 197 ءۇيدىڭ بارلىعى جاڭادان سالىنادى. بۇگىندە 20-عا جۋىق ءۇيدىڭ ىرگەتاسى قالانىپ، قابىرعاسى كوتەرىلگەن. سۋ شايعان اۋىلداردىڭ بارلىعىندا ينفراقۇرىلىم تولىعىمەن جاڭارتىلۋدا. ورگەباس جانە فيردوۋسي اۋىلدارى تۇرعىندارىنىڭ 70%-ى جاڭا ءۇي قۇرىلىسىنا بەرىلەتىن 17 ملن تەڭگە قاراجاتتىڭ جارتىسىن، ياعني 8،5 ميلليون تەڭگەنى  العان. 

فيردوۋسي اۋىلىنىڭ تۇرعىندارى وبلىس اكىمىمەن كەزدەسۋدە دەر كەزىندە قولعا الىنعان شارالاردىڭ وڭ ناتيجە بەرگەنىن ايتىپ، العىستارىن جەتكىزدى. اۋىلدا 320 تۇرعىن ءۇي بولسا، ونىڭ جارتىسىنان استامىنا ءۇي تۇرعىزۋعا قاجەتتى قاراجات بەرىلگەن. اۋىلدا اپاتتان زارداپ شەككەن باسپانالار بۇزىلىپ، جاڭا ۇيلەر سالىنۋدا.

6

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار