كەشە استاناداعى ۇلتتىق اكادەميالىق كىتاپحانادا وقىرماندارعا قازاقتىڭ اقيىق اقىنى ماعجان جۇماباەۆتىڭ تاتار تىلىنە اۋدارىلعان ولەڭدەر جيناعى تانىستىرىلدى.
اقىننىڭ 120 جىلدىق مەرەيتويىنا ورايلاستىرىلعان بۇل شارانى قازاقستان تاتارلارى مەن باشقۇرتتارى قاۋىمداستىعى, ۇلتتىق اكادەميالىق كىتاپحانا جانە «قازاقستان حالقىنىڭ رۋحاني دامۋ قورى» اق ۇيىمداستىردى.
كەشە استاناداعى ۇلتتىق اكادەميالىق كىتاپحانادا وقىرماندارعا قازاقتىڭ اقيىق اقىنى ماعجان جۇماباەۆتىڭ تاتار تىلىنە اۋدارىلعان ولەڭدەر جيناعى تانىستىرىلدى.
اقىننىڭ 120 جىلدىق مەرەيتويىنا ورايلاستىرىلعان بۇل شارانى قازاقستان تاتارلارى مەن باشقۇرتتارى قاۋىمداستىعى, ۇلتتىق اكادەميالىق كىتاپحانا جانە «قازاقستان حالقىنىڭ رۋحاني دامۋ قورى» اق ۇيىمداستىردى.
ماعجان ولەڭدەرى نازىك يىرىمىمەن, شىنايىلىعىمەن, ومىرشەڭدىگىمەن ءار بۋىننىڭ دا جانىنا جاقىن. ونىڭ ولەڭدەرى قازاق حالقىنىڭ رۋحاني اسىل قازىناسىنىڭ ءىنجۋ-مارجانىنا باعالانادى. ەندى سول اسىل قازىنانىڭ وزگە ەلدىڭ رۋحاني كەڭىستىگىنە جول تارتۋى قۋانىشتى وقيعا. تۇساۋكەسەر ءراسىمىن قىسقاشا ءسوز سويلەپ اشقان ۇلتتىق اكادەميالىق كىتاپحانا ديرەكتورىنىڭ ورىنباسارى عاليا بوكەيقىزى ماعجان جۇماباەۆتىڭ ولەڭدەر جيناعىنىڭ تاتار تىلىندە جارىققا شىعۋىنا تاتارستان جازۋشىلار وداعىنىڭ باستاماشى بولعانىن ايتتى.
بۇدان كەيىن ءسوز العان «ەگەمەن قازاقستان» گازەتى رەداكتورىنىڭ ورىنباسارى, ماعجانتانۋشى جاراسباي سۇلەيمەنوۆ بۇل وقيعانىڭ سيمۆولدىق مانىنە توقتالدى. «ماعجان تەك قازاقتىڭ اقىنى ەمەس. ول ءتۇبى ءبىر تۇركى جۇرتىنا ورتاق تۇلعا. ماعجاننىڭ ولەڭدەرى وسىدان تۋرا ءبىر عاسىر ۋاقىت بۇرىن تۇڭعىش رەت قازان قالاسىندا جيناق بولىپ باسىلىپ شىققان بولاتىن. ەندى اراعا ءجۇز جىل سالىپ تاعى دا قازان قالاسىندا ماعجان جيناعىنىڭ جارىق كورۋى – ونىڭ شىعارماشىلىعىنىڭ زامانالارمەن بىرگە جاساي بەرەتىنىنىڭ, تۇركى جۇرتى ءۇشىن سارقىلماس قازىنا ەكەنىنىڭ كورىنىسى», دەدى ول.
قازاقستان حالقى اسسامبلەياسى حاتشىلىعى مەڭگەرۋشىسىنىڭ ورىنباسارى نۇرلان وقا ۇلى, پارلامەنت سەناتىنىڭ دەپۋتاتى جابال ەرعاليەۆ, ەۋرازيا ۇلتتىق ۋنيۆەرسيتەتىنىڭ ەتنيكاارالىق جانە دىنارالىق تولەرانتتىلىق جونىندەگى يۋنەسكو كافەدراسىنىڭ مەڭگەرۋشىسى عادىلبەك شالاحمەتوۆ, بەلگىلى جازۋشى, عالىم تۇرسىن جۇرتباي, قازاقستان تاتارلارى مەن باشقۇرتتارى قاۋىمداستىعىنىڭ قۇرمەتتى پرەزيدەنتى, تاتارستان رەسپۋبليكاسى جازۋشىلار وداعىنىڭ مۇشەسى تاۋفيك كاريموۆ سىندى ازاماتتار جينالعان قاۋىممەن ماعجان شىعارماشىلىعى تۋرالى كەلەلى ويلارىمەن ءبولىستى.
كەش بارىسىندا قازاقستان تاتارلارى مەن باشقۇرتتارى قاۋىمداستىعىنىڭ پرەزيدەنتى, تانىمال پروفەسسور جانە ادەبيەتشى گريف ءحايرۋلليننىڭ قۇتتىقتاۋ حاتى وقىلدى. «ماعجان جۇماباەۆ – شىعارماشىلىعى ءبىزدى قىزىقتىراتىن تۋىستاس قازاق حالقىنىڭ ۇلى. ول ۋفاداعى اتاقتى «عاليا» مەدرەسەسىنىڭ تۇلەگى, ونىڭ پوەزياسى بارلىق تۇركى حالقىنىڭ رۋحىنا جاقىن. قازان قالاسىندا تاتار تىلىندەگى جۇماباەۆ پوەزياسى جيناعىنىڭ جارىققا شىعۋى, ونىڭ ولەڭدەرىنىڭ «فيكەر» قاۋىمداستىعى گازەتىندە جاريالانىپ تۇرۋى كەزدەيسوق ەمەس. ونىڭ ولەڭدەرىن اۋدارۋ ىسىمەن نۋري ارسلان, راديف گاتاش, فلەرا تارحانوۆا سىندى تاتار اقىندارى اينالىسىپ ءجۇر» دەلىنگەن حاتتا.
ايگۇل سەيىلوۆا,
«ەگەمەن قازاقستان».
