ايماقتار • 05 ماۋسىم، 2020

تۇركىستان: سەنىم جاشىگىندەگى ستۋدەنت پىكىرلەرى نازارعا الىنا ما؟

82 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگى تۇركىستان وبلىسى بويىنشا دەپارتامەنتىنىڭ باستاماسىمەن ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىندە «تازا سەسسيا» اكتسياسى بويىنشا  كەلەلى كەزدەسۋ ءوتتى.  

نەگىزگى ماقساتى - ەمتيحاننىڭ اشىقتىعىن قامتاماسىز ەتۋ جانە  جوعارى ءبىلىم بەرۋ  جۇيەسىندە  سىبايلاس جەمقورلىق كورىنىستەرىنىڭ الدىن الۋ، سونداي-اق ستۋدەنتتەر مەن وقىتۋشىلار اراسىندا ادالدىق قۇندىلىعىن كەڭىنەن ناسيحاتتاۋ بولىپ تابىلاتىن اكتسيا اياسىندا وتكەن كەزدەسۋگە دەپارتامەنت باسشىسىنىڭ ءبىرىنشى ورىنباسارى ميراس قارعاباي، حالىقارالىق ۋنيۆەرسيتەتتىڭ ۆيتسە-پرەزيدەنتى امىرەقۇل ابۋوۆ جانە اكادەميالىق ماسەلەلەر بويىنشا دەپارتامەنت ديرەكتورى تالعات نيازوۆ،  سونداي-اق «تۇركىستان - ادالدىق الاڭى» جوبالىق كەڭسەسىنىڭ مەنەدجەرى  ەرۇلان تۇڭعىشباەۆ قاتىستى. كەزدەسۋدە جوعارى وقۋ ورنىنىڭ قوعام ىندەتىمەن قارقىندى كۇرەس جۇرگىزۋ بويىنشا اتقارىپ جاتقان جۇمىستارى ورتاعا سالىندى. ۋنيۆەرسيتەت بويىنشا بارلىق ەمتيحاندارعا بەينەباقىلاۋ جۇرگىزىلگەن جانە سەسسيانىڭ ءوتۋ بارىسىنا پروكتورينگ  جاسايتىن ارنايى جۇمىس توبى  قۇرىلعان. ونلاين ەمتيحاندار  moodle (dot.ayu.edu.kz) پلاتفورماسىندا جانە Zoom، Webex Meetings، Microsoft Teams قوسىمشالارى  ارقىلى وتۋدە. سونداي-اق كەزدەسۋدە پاراساتتىلىق ورتالىعى مەن ارنايى بەكىتىلگەن ماماندار ونلاين ەمتيحاننىڭ ءوتۋ بارىسىن ءجىتى قاداعالاپ وتىرعانى ايتىلدى. ال ميراس اسقارباي ۇلى سىبايلاس جەمقورلىقتىڭ الدىن الۋ بويىنشا قويىلعان سەنىم جاشىگىندەگى ستۋدەنت پىكىرلەرىن نازارعا الۋ قاجەتتىگىنە توقتالىپ، ءبىلىم بەرۋ وشاعى - ەل ەرتەڭىنىڭ بەرىك ىرگەتاسىن قالىپتاستىرۋدا ايرىقشا ماڭىزعا يە، سوندىقتان جاستار ادال بىلىممەن ازىقتانۋى ءتيىس ەكەنىن ايتتى.

جيىندى قورىتىندىلاعان  امىرەقۇل ابۋوۆ اگەنتتىكتىڭ باستاماسىمەن حالىقارالىق ۋنيۆەرسيتەتتە قولعا الىنعان بىرقاتار جوبانىڭ ناتيجەسىنە توقتالىپ، سىبايلاس جەمقورلىقسىز مادەنيەتتى قالىپتاستىرۋدا ستۋدەنت جاستاردىڭ  بەلسەندىلىگى جوعارى ەكەنىن جەتكىزدى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار