ايماقتار • 05 ماۋسىم، 2020

باتىس قازاقستاندا 3 مىڭنان اسا ادام تولقۇجات العان

46 رەت كورسەتىلدى

«ازاماتتارعا ارنالعان ۇكىمەت» مەملەكەتتىك كورپوراتسياسى حالىققا قىزمەت كورسەتۋ ورتالىقتارىنىڭ جۇمىسى قايتا جاندانعاننان كەيىنگى كوپ سۇراتىلعان مەملەكەتتىك قىزمەتتەردىڭ رەيتينگىن جاسادى.

حالىققا قىزمەت كورسەتۋ ورتالىقتارى قايتا اشىلعان سوڭ قازاقستان ازاماتتارى الدىمەن جەكە كۋالىك پەن پاسپورت الۋعا اسىعىپتى. ەلىمىز بويىنشا 155 مىڭنان استام ازامات جەكە باسىن كۋالاندىراتىن قۇجاتىن جاڭارتسا، باتىس قازاقستان وبلىسىندا 3 مىڭنان استام جەكە كۋالىك جانە تولقۇجات بەرىلگەن ەكەن.

اۆتوكولىكتى قايتا تىركەۋ قىزمەتى ەكىنشى ورىندا. مامىر ايىندا اۆتوموبيل يەلەرى قازاقستاننىڭ مامانداندىرىلعان حقو-لارىندا 118 مىڭنان استام كولىكتى قايتا تىركەگەن. باتىس قازاقستان وبلىسىندا بۇل كورسەتكىش 3000 شاماسىندا.

مامىر ايىندا ازاماتتار جىلجىمايتىن م ۇلىك قۇقىقتارىن مەملەكەتتىك تىركەۋ قىزمەتى ءۇشىن حالىققا قىزمەت كورسەتۋ ورتالىقتارىنا 56 مىڭنان استام رەت جۇگىنگەن ەكەن. باتىس قازاقستان وبلىسىندا ءدال وسىنداي 2 مىڭنان استام قىزمەت كورسەتىلگەن.

ەڭ تانىمال قىزمەتتەردىڭ ءتورتىنشى ساتىسىندا جۇرگىزۋشى كۋالىكتەرىن اۋىستىرۋ جانە بەرۋ قىزمەتى كوتەرىلدى. مامىر ايىندا 30 مىڭعا جۋىق قۇجات راسىمدەلسە، بقو بويىنشا 1000 جۇرگىزۋشى كۋالىگى بەرىلدى.

كارانتيننەن كەيىنگى سۇرانىسقا يە بەسىنشى قىزمەت – الەۋمەتتىك قاۋىپ-قاتەر جاعدايىندا الەۋمەتتىك جاردەماقىلار تاعايىنداۋ قىزمەتى. بۇل نەگىزىنەن جۇكتىلىك جانە بوسانۋعا بايلانىستى بەرىلەتىن تولەم. ونى 20 مىڭنان استام جۇكتى ايەل العان، ال باتىس قازاقستان وبلىسىندا 1500-دەي ايەل ادام بۇل قىزمەت ءتۇرىن الدى.

ازاماتتارعا ارنالعان ۇكىمەتتىڭ الدىن الا مالىمەتى بويىنشا مامىر ايىندا حالىققا قىزمەت كورسەتۋ ورتالىقتارى ارقىلى باتىس قازاقستان وبلىسىندا 20 مىڭعا جۋىق، ال قازاقستاندا 645 مىڭنان استام مەملەكەتتىك قىزمەت ءتۇرى الىنعان. ايتا كەتەيىك، كارانتيننەن كەيىن باتىس قازاقستان، قاراعاندى وبلىستارىنىڭ حالىققا قىزمەت كورسەتۋ ورتالىقتارى قىزمەتىن 4 مامىردا، ال الماتىداعى حقو-لار ءوز جۇمىسىن 25 مامىردا باستاعان بولاتىن.

قازىر توتەنشە جاعداي رەجيمى الىنىپ تاستالعانىمەن، ىندەت تارالۋ قاۋپى سەيىلگەن جوق. سوندىقتان عيماراتتاردا ازاماتتار كوپ جينالىپ، ۆيرۋستى جۇقتىرماۋى ءۇشىن egov.kz پورتالىندا قولجەتىمسىز قىزمەتتەر عانا حالىققا قىزمەت كورسەتۋ ورتالىقتارىندا كورسەتىلەدى. ول ءۇشىن ەgov.kz پورتالى، eGovKzBot2.0 تەلەگرام-بوتى نەمەسە 1414 بايلانىس ورتالىعىنا قوڭىراۋ شالۋ ارقىلى الدىن الا برونداپ، كەزەك الۋ كەرەك.

 

باتىس قازاقستان

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار