قازاقستان • 05 ماۋسىم، 2020

تيمۋر ق ۇلىباەۆ بىرىڭعاي احۋالدىق ورتالىق قۇرۋدى ۇسىندى

25 رەت كورسەتىلدى

4 ماۋسىم كۇنى ۇكىمەت، مەملەكەتتىك ورگاندار وكىلدەرى جانە بيزنەس-قوعامداستىقتىڭ قاتىسۋىمەن ەكونوميكالىق ءوسۋدى قالپىنا كەلتىرۋ جونىندەگى مەملەكەتتىك كوميسسيانىڭ ونلاين وتىرىسى ءوتتى. بۇل تۋرالى atameken.kz حابارلادى.

كارانتيندىك كەزەڭنەن كەيىن ەل ەكونوميكاسىنىڭ نەگىزگى كوزى – بيزنەسكە قولداۋ كورسەتىلۋى وتە ماڭىزدى. وسى باعىتتا ۇكىمەت 2020 جىلدىڭ اياعىنا دەيىن ەكونوميكالىق ءوسۋدى قالپىنا كەلتىرۋ بويىنشا كەشەندى جوسپاردى قابىلدادى.

توتەنشە جاعداي كەزەڭىندە بيزنەسكە سالىقتىق جەڭىلدىكتەر، نەسيەلەر بويىنشا كەيىنگە شەگەرۋ جانە قولجەتىمدى نەسيەلەۋ ۇسىنىلدى. بۇل كومەك وندىرىستەر توقتاپ، كارانتيندىك شارالار كۇشەيتىلگەن كەزەڭدەگى شۇعىل شارالار بولدى. ەندىگى ماقسات – كارانتيندىك كەزەڭنەن كەيىن بيزنەسكە قولداۋ كورسەتىپ، ەل ەكونوميكاسىن قالىپتى دەڭگەيگە شىعارۋ.

«اتامەكەن» ۇكپ باسشىسى تيمۋر ق ۇلىباەۆ ۇلتتىق پالاتا  20 مامىردان باستاپ زارداپ شەككەن سالالاردا ساۋالناما جۇرگىزگەنىن اتاپ ءوتتى. ساۋالناماعا 16 مىڭنان استام كاسىپكەرلىك سۋبەكتىسى قاتىستى. ناتيجەسىندە بيزنەستىڭ ۇشتەن ءبىر بولىگى نەسيەلەر بويىنشا تولەمدەردى كەيىنگە شەگەرۋ جانە سالىقتار مەن ەڭبەكاقى قورىنا تولەمدەردەن بوساتۋ – ەڭ ءتيىمدى شارالار بولدى دەپ بەلگىلەگەن.

«ەكى اپتا بويى «اتامەكەن» باسشىلىعى وڭىرلەر بويىنشا زارداپ شەككەن سالالارداعى كاسىپكەرلەرمەن سۇحباتتاستى. ناتيجەسىندە ءۇش باعىت بويىنشا ۇسىنىستار لەگىن دايىندادىق.  ءبىرىنشىسى – جۇمىس ىستەپ جاتقان بيزنەستى جانە جۇمىس ورىندارىن ساقتاۋ، سونىڭ ىشىندە بيزنەس جۇمىسىنا تىكەلەي اسەر ەتەتىن سانيتارلىق-ەپيدەميولوگيالىق باقىلاۋدى ساقتاۋ. ەكىنشىسى – رەتتەلمەلى ساتىپ الۋلار ارقىلى وتاندىق تاۋار وندىرۋشىلەردى قولداۋ. ءۇشىنشىسى – ەلباسى ستراتەگيالىق كۋرسى مەن پرەزيدەنتتىڭ تاپسىرمالارىندا ايتىلعان ينستيتۋتسيونالدىق رەفورمالار»، – دەدى «اتامەكەن» ۇكپ باسقارما توراعاسى ابىلاي مىرزاحمەتوۆ.

ەل ەكونوميكاسىن تەز ارادا قالپىنا كەلتىرۋ ءۇشىن ءتيىمدى شارالار قاجەتتىگى ايقىن. وسىعان دەيىن ۇلتتىق پالاتا بيزنەسكە قولداۋ كورسەتۋدە جۇمىس ورىندارىن ساقتاۋعا دايىن كاسىپورىندارعا كومەك بەرۋگە قاتىستى ءوز پوزيتسياسىن ايتقان بولاتىن. ۇكپ بيزنەستەن الىنعان وزەكتى اقپاراتتى نەگىزگە الا وتىرىپ، ۇكىمەت جانىنان جۇمىسپەن قامتۋ ماسەلەلەرى جونىندەگى بىرىڭعاي احۋالدىق ورتالىق قۇرۋدى ۇسىندى.

مۇنداي ورتالىق ارقىلى وڭىرلەردەن، سالالاردان، بارلىق مۇددەلى تاراپتار مەن مەملەكەتتىك باعدارلامالاردان اقپارات جيناقتالادى. ورتالىقتىڭ ءتيىمدى جۇمىس ىستەۋى ءۇشىن پالاتا ءوزىنىڭ بارلىق ساۋالنامالارى ناتيجەلەرىن، رەسۋرستارىن قوسىپ، دامۋ ينستيتۋتتارىمەن كۇش بىرىكتىرۋگە دايىن.  

«اتامەكەن» ۇكپ ۇسىنعان شارالار قاتارىندا قر دەنساۋلىق ساقتاۋ مينيسترلىگى جانە ۇكپ-نىڭ سانيتارلىق-ەپيدەميولوگيالىق ماسەلەلەرى جونىندەگى بىرلەسكەن جۇمىس توبىن قۇرۋ بار. ويتكەنى ءار جەردە ءتۇرلى سانيتارلىق-ەپيدەميالىق تالاپتار قويىلعان. ازىرگە الگوريتمدەردىڭ بارلىعى دەرلىك ازىرلەنبەدى – فيتنەس-كلۋبتار، شيپاجايلار، بالالار لاگەرى، مەكتەپتەر بويىنشا ماسەلەلەر اشىق كۇيىندە قالىپ وتىر.

جەرگىلىكتى اتقارۋشى ورگانداردىڭ مونيتورينگتىك توپتارى رەيدتىك تەكسەرۋلەر جۇرگىزىپ جاتىر. 1 ماۋسىمنان باستاپ نۇر-سۇلتاندا ءبىر كۇن ىشىندە سانيتارلىق نورمالاردى ورىنداماعانى ءۇشىن 70 وبەكتىنى جاپتى.

«بيزنەس تاراپىنان سانيتارلىق نورمالارعا قاتىستى كوپ شاعىم تۇسكەن. جۇمىس توبى شەڭبەرىندە بارلىق سالالار مەن وڭىرلەرگە بىرىڭعاي ءارى تۇسىنىكتى سانيتارلىق نورمالاردى ازىرلەۋ قاجەت. سودان كەيىن بارىپ ولاردى ورىنداماعانى ءۇشىن بيزنەستى جاۋاپقا تارتۋ ورىندى»، – دەپ اتاپ ءوتتى تيمۋر ق ۇلىباەۆ.

تۇتاستاي العاندا، ۇلتتىق پالاتا ۇسىنعان قولداۋ شارالارى ۇزاق مەرزىمگە ەسەپتەلگەن. تيمۋر ق ۇلىباەۆتىڭ ايتۋىنشا، بيزنەسكە كارانتيندىك شەكتەۋدە ەڭ كەمى جىل سوڭىنا دەيىن جۇمىس ىستەۋگە تۋرا كەلەدى.  

«قولداۋ شارالارى ۆاكتسينا دايىن بولىپ، ەكونوميكانىڭ قالىپتى رەجيمىنە كەلگەنگە دەيىن قاجەت بولادى. سوندىقتان ماۋسىم ايىندا قانداي سەكتورلار زارداپ شەككەنىن قاراۋىمىز كەرەك، اقپاراتپەن قامتاماسىز ەتەمىز. ءبىزدىڭ ۇسىنىمىز جۇمىسپەن قامتۋدى مونيتورينگىلەۋ ورتالىعىن قۇرۋ. وسى اي ىشىندە قانداي سالالارعا قانداي قولداۋ كورسەت قاجەتتىگىن تالقىلايمىز»، – دەپ اتاپ ءوتتى تيمۋر ق ۇلىباەۆ.

ەكونوميكالىق ءوسۋدى قالپىنا كەلتىرۋ جونىندەگى مەملەكەتتىك كوميسسيانىڭ جۇمىسى ناتيجەسىندە 1 تامىزعا دەيىن مەملەكەت باسشىسىنا رەسپۋبليكانىڭ 2025 جىلعا دەيىنگى ستراتەگيالىق دامۋ جوسپارىنىڭ جوباسى تانىستىرىلادى.   


سوڭعى جاڭالىقتار

پنەۆمونيانى قالاي انىقتايمىز؟

كوروناۆيرۋس • بۇگىن، 08:17

اقىل-پاراساتقا جۇگىنەيىك

رۋحانيات • بۇگىن، 07:54

بۇل – مىلتىقسىز مايدان

پىكىر • بۇگىن، 07:51

كاسىبىنە ادال ازامات

ساياسات • بۇگىن، 07:34

جۇمىس بەرۋشىنىڭ كىناسى كوپ

قوعام • بۇگىن، 07:30

تىل ارداگەرلەرى وزگەرىس كۇتەدى

رۋحانيات • بۇگىن، 07:26

ءار ازاماتتىڭ ءومىرى قىمبات

پىكىر • بۇگىن، 07:25

تەرمە تەرەڭدىككە باۋليدى

رۋحانيات • بۇگىن، 07:23

GGG جوسپاردا جوق

كاسىپقوي بوكس • بۇگىن، 07:15

ءار قازاق – قازاقستان قازىناسى!

رۋحانيات • بۇگىن، 07:15

ىشكى تۋريزمگە يەك ارتاتىن كەز

تۋريزم • بۇگىن، 07:10

ۇزدىك اتاندى

وقيعا • بۇگىن، 07:08

ەڭسەنى تۇسىرمەيىك

پىكىر • بۇگىن، 07:03

باقىتتى كۇندەر كۇتسىنشى...

پىكىر • بۇگىن، 07:02

سىر قامىسىنا سىرتتان سۇرانىس بار

ەكونوميكا • بۇگىن، 07:00

كىم قانشا تابىس تاپتى؟

سپورت • بۇگىن، 07:00

بايىتۋ فابريكاسى بوي كوتەرەدى

تەحنولوگيا • بۇگىن، 06:58

سىرتقى ساۋدا قاشان ارتادى؟

ەكونوميكا • بۇگىن، 06:56

«بىلەۋلى» ءھام «اناعا تاعزىم»

رۋحانيات • بۇگىن، 06:54

كارانتين فينتەحتى دامىتادى

تەحنولوگيا • بۇگىن، 06:50

الىس اۋىلدارعا ينتەرنەت جەتتى

تەحنولوگيا • بۇگىن، 06:45

بۇل سىناقتى دا ەڭسەرەمىز

پرەزيدەنت • بۇگىن، 06:36

الاش ازا تۇتقان كۇن

ساياسات • بۇگىن، 06:35

جانقيارلىق ەڭبەككە قۇرمەت

ساياسات • بۇگىن، 06:29

NASA مارسكا قامداندى

تەحنولوگيا • كەشە

ۇقساس جاڭالىقتار