ماقتاارال – قۇتتى مەكەن, قاسيەتتى جەر. 350 مىڭداي حالقى بار بۇل اۋداندا 60 ۇلتتىڭ وكىلدەرى تاتۋ-ءتاتتى تىرشىلىك كوشىن جالعاستىرىپ جاتىر. مۇندا تاجىك, وزبەك, سلاۆيان, ازەربايجان, كورەي ۇلتتىق مادەني ورتالىقتارى بار. ولار ۇلتارالىق تاتۋلىقتى نىعايتۋدا, حالقىمىزدىڭ رۋحاني قازىناسىن مولايتۋدا بەلسەندىلىك تانىتىپ كەلەدى. «ىرىس قايدا باراسىڭ؟ ىنتىماققا بارامىن!» دەگەن, اۋدان حالقىنىڭ اراسىنداعى تاتۋلىق, ىنتىماقتاستىق, بىرلىك – بارلىق يگى
ىستەردىڭ باستاۋى.
ماقتاارال – قۇتتى مەكەن, قاسيەتتى جەر. 350 مىڭداي حالقى بار بۇل اۋداندا 60 ۇلتتىڭ وكىلدەرى تاتۋ-ءتاتتى تىرشىلىك كوشىن جالعاستىرىپ جاتىر. مۇندا تاجىك, وزبەك, سلاۆيان, ازەربايجان, كورەي ۇلتتىق مادەني ورتالىقتارى بار. ولار ۇلتارالىق تاتۋلىقتى نىعايتۋدا, حالقىمىزدىڭ رۋحاني قازىناسىن مولايتۋدا بەلسەندىلىك تانىتىپ كەلەدى. «ىرىس قايدا باراسىڭ؟ ىنتىماققا بارامىن!» دەگەن, اۋدان حالقىنىڭ اراسىنداعى تاتۋلىق, ىنتىماقتاستىق, بىرلىك – بارلىق يگى
ىستەردىڭ باستاۋى.
اۋدان حالقىنىڭ نەگىزگى كۇنكورىسى – ماقتا ءوسىرۋ. ۇستىمىزدەگى جىلى اۋداندا 137,0 مىڭ گەكتارعا اۋىلشارۋاشىلىق داقىلدارى ەگىلدى, ونىڭ ىشىندە ماقتا القابىنىڭ كولەمى 94,0 مىڭ گەكتاردى قۇرايدى. بۇگىنگى تاڭدا ماقتا جيناۋ ناۋقانى قىزۋ ءجۇرگىزىلۋدە. وتكەن جىلى جيناپ الىنعان 264,8 مىڭ توننا ماقتا شيكىزاتىنىڭ 17 پايىزى كومبايندارمەن تەرىلسە, بيىلعى جىلى جوسپارلانىپ وتىرعان 270-280 مىڭ تونناداي ماقتا شيكىزاتىنىڭ 30 پايىزىن كومبايندارمەن جيناۋ كوزدەلۋدە.
وسىناۋ قۇت مەكەننىڭ حالقى وسى اپتادا ۇلكەن قۋانىشقا كەنەلدى. ماقتاارال اۋدانىندا «نۇر وتان» حدپ-نىڭ جاڭا عيماراتى پايدالانۋعا بەرىلدى. مەكەمەنىڭ قۇرىلىس جۇمىستارى نەبارى 2 اي بۇرىن باستالعان ەكەن. ەكى قاباتتى نىسانعا 100 ميلليون تەڭگە جۇمسالىپتى. بۇگىندە پارتيانىڭ اۋداندىق فيليالىندا 7 قىزمەتكەر جۇمىس اتقارادى. ايتا كەتەيىك, ماقتاارال اۋدانىندا «نۇر وتان» حدپ-نىڭ بولىمشەسى 2007 جىلى اشىلعان. ول كەزدە اۋداندا پارتيانىڭ 350 عانا مۇشەسى بولسا, قازىرگى ۋاقىتتا 11 مىڭنان اسىپ جىعىلادى.
«ءبىز دە بۇگىنگى كۇنگە دەيىن اۋداندىق ماسليحاتپەن ءبىر عيماراتتا كۇن كەشىپ كەلدىك. وندا بار بولعانى 5 بولمەمىز بار ەدى. وسىدان ەكى جىل بۇرىن قوعامدىق قابىلداۋعا كەلۋشىلەردىڭ سانى نەبارى 60-65 ادامنىڭ توڭىرەگىندە بولاتىن. ەلدىڭ سەنىمى ارتقانى بولار, قازىر پارتياعا ماسەلەسىن ايتىپ, ىزدەپ كەلۋشىلەر قاتارى ارتتى», دەيدى «نۇر وتان» حدپ ماقتاارال اۋداندىق فيليالى توراعاسىنىڭ ءبىرىنشى ورىنباسارى ءابدىماناپ بايدۋللاەۆ.
ەكى اي كولەمىندە بوي كوتەرگەن «نۇر وتان» حدپ اۋداندىق فيليالى عيماراتىنىڭ قۇرىلىسى كاسىپكەرلەر مەن حالىق قالاۋلىلارى جانە باسقا دا قالتالى ازاماتتاردىڭ قارجىلاي كومەگى ارقاسىندا بوي كوتەردى.
بۇل كۇنى سونداي-اق, قاراقاي اۋىلىندا فەلدشەرلىك پۋنكت نىسانى پايدالانۋعا بەرىلدى. نىساننىڭ قۇنى 35 165 مىڭ تەڭگەنى قۇرايدى. وسى اۋىلدا تۇرىپ جاتقان 1600-دەن استام حالىققا جاڭا عيماراتتا 4 مەديتسينا قىزمەتكەرى قىزمەت ەتپەك. ال, ج. ەراليەۆ اۋىلدىق وكرۋگىندەگى س.سەيفۋللين اۋىلىنداعى 300 ورىندىق مەكتەپ قۇرىلىسىنا 453 564 مىڭ تەڭگە جۇمسالىپتى. «ماقتاارال» مادەنيەت ءۇيى» مكقك-عا قاراستى مىرزاكەنت كەنتىندە ورنالاسقان «اق التىن» مادەني-دەمالىس ورتالىعى كۇردەلى جوندەۋدەن ءوتىپ, جاڭادان جاسانىپ شىعا كەلدى. اتاپ ايتقاندا, عيماراتتىڭ شاتىرى, ەسكى ەسىك-تەرەزەلەرى تولىق اۋىستىرىلىپ, كورەرمەن زالى, فويەسى جانە قىزمەتتىك بولمەلەرى زاماناۋي ۇلگىدە جوندەۋدەن ءوتتى.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
سۋرەتتەردى تۇسىرگەن ارمان ابدىراش ۇلى.
