ايماقتار • 05 ماۋسىم، 2020

كاسىپكەرلەردى نەسيەلەندىرۋدىڭ جەڭىلدەتىلگەن مەحانيزمدەرى قالاي جۇمىس ىستەۋدە؟

29 رەت كورسەتىلدى

وڭىرلىك كوممۋنيكاتسيالار قىزمەتىنىڭ الاڭىندا الماتى قالاسى «دامۋ»  كاسىپكەرلىكتى دامىتۋ قورى» اق فيليالىنىڭ ديرەكتورى سۆەتلانا نازاريۋك كاسىپكەرلىك سۋبەكتىلەرىن جەڭىلدىكپەن نەسيەلەۋ تەتىكتەرى  مەن شارتتارى تۋرالى ايتىپ بەردى.

قالىپتاسقان ەكونوميكالىق جاعداي اياسىندا ۇكىمەت وتاندىق بيزنەس پەن كاسىپكەرلەردى قولداۋ بويىنشا داعدارىسقا قارسى شارالار قابىلدادى. وسىعان بايلانىستى، قور قازىرگى ۋاقىتتا كاسىپكەرلەردەن جاڭا شارتتارمەن وتىنىمدەر قابىلداۋدى جۇزەگە اسىرادى.

قور نەگىزگى 4 قۇرالدى ۇسىنادى. بۇل - جەڭىلدەتىلگەن نەسيە بەرۋ، سىياقى مولشەرلەمەسىن سۋبسيديالاۋ،  نەسيەلەرگە كەپىلدىك بەرۋ جانە جوبالاردى قارجىلاندىرۋعا دەيىن قولداۋ (سۇيەمەلدەۋ).

كاسىپكەرلەردى كەلەسى نەسيەلەندىرۋ ءۇشىن بانكتەر، ميكروقارجى ۇيىمدارى جانە ليزينگتىك كومپانيالار ارقىلى كەلەسى جەڭىلدەتىلگەن نەسيە بەرۋ باعدارلامالارىن قور  جۇزەگە اسىرادى: بۇلپار -  6% تومەندەتىلگەن نەسيە مولشەرلەمەسىمەن «ەڭبەك» ءونىمدى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ مەملەكەتتىك باعدارلاماسى، وندىرىستىك ونەركاسىپتى قولداۋ جانە ايەلدەر كاسىپكەرلىگىن دامىتۋ باعدارلامالارى.

سونداي-اق، بۇعان 7% مولشەرلەمە بويىنشا قالا اكىمدىگىمەن بىرلەسكەن «Almaty Business-2025» ايماقتىق باعدارلاماسى دا كىرەدى. بۇل باعدارلاما رەسپۋبليكانىڭ وزگە وڭىرلەرىنىڭ اراسىندا بارلىق وڭىرلىك باعدارلامالار بويىنشا تومەن مولشەرلەمەمەن ەرەكشەلەنەدى.

«بيزنەستىڭ جول كارتاسى-2020» باعدارلاماسى اياسىندا جۇزەگە اسىرىلاتىن كاسىپكەرلەردى قولداۋدىڭ داعدارىسقا قارسى شارالارى اراسىندا نەسيەلەردى سۋبسيديالاۋ جانە كەپىلدەندىرۋ تەتىكتەرى جەڭىلدەتىلدى.

«بيزنەستىڭ جول كارتاسى 2025» باعدارلاماسى قولجەتىمدى بولدى. ول الماتى قالاسىنداعى كاسىپورىندار ءۇشىن اسا  ماڭىزدى. ويتكەنى، ولاردىڭ 60% - ى ساۋدا جانە بيزنەس سالاسىندا جۇمىس ىستەيدى»، - دەپ ءتۇسىندىردى س. نازاريۋك.

وسىلايشا سالالىق شەكتەۋلەر الىنىپ تاستالدى، كاسىپكەرلەر ءۇشىن 6 پايىزدىق مولشەرلەمە بەلگىلەندى، اينالىم قارجىسىن تولىقتىرۋعا باعىتتالعان كەپىلدەندىرۋ مەن سۋبسيديالاۋ نەسيەلەرىنىڭ سوماسى ۇلعايتىلدى،  كاسىبىن باستايتىن كاسىپكەرگە  360 ملن تەڭگەگە دەيىن نەسيەگە، سونىمەن بىرگە نەسيە سوماسىنان 85 پايىزعا دەيىن  كەپىلدىك بەرىلگەن. سونىمەن بىرگە، بۇرىننان كەلە جاتقان كاسىپكەرلەر ءۇشىن 1 ملرد تەڭگەگە دەيىنگى نەسيەگە كەپىلدىك بەرىلەدى، كەپىلدىك نەسيە سوماسىنان  50 پايىزعا دەيىن بەرىلەدى.

«بجك – 2025» باعدارلاماسىنا ازىق-ت ۇلىك، سابىن جانە جۋعىش زاتتار ءوندىرىسى، جۇك تاسىمالى، قويما شارۋاشىلىعى جانە قوسىمشا كولىك، تۋريزم، جالعا بەرۋ جانە جەكە نەمەسە جالعا بەرىلەتىن جىلجىمايتىن م ۇلىكتى باسقارۋ، تازارتۋشى جانە تەگىستەۋشى (جىلتىراتۋشى) قۇرالداردى ءوندىرۋ، تۇرمىس پەن شاراۋاشىلىققا قاجەتتى قاعاز جانە سانيتارلىق-گيگيەنالىق ونىمدەردى شىعاراتىن ءىرى  بيزنەس سۋبەكتىلەرىنىڭ جوعارىدا اتالعان سالالارى ەنگەن.

سونىمەن بىرگە، «قاراپايىم زاتتار ەكونوميكاسى» سالالاردى دامىتۋ باعدارلاماسىنىڭ اياسىندا باعدارلامانى جالپى قارجىلاندىرۋ كولەمى 1 ترلن تەڭگەگە دەيىن ۇلعايعان، باعدارلاماعا ەنگەن تاۋارلار ءتىزىمى كەڭەيگەن جانە نەسيە سوماسى 3-تەن 5 ملرد تەڭگەگە دەيىن بولعان جاعدايدا كەپىلدەمە مولشەرلەمەسى 30 پايىزعا دەيىن ارتقان.

«بيىلعى جىلى شاعىن جانە ورتا بيزنەستىڭ مەيلىنشە جوعارى سەگمەنتىن قامتۋ ءۇشىن قور بالامالى قارجىلاندىرۋدى ەنگىزۋ جۇمىسىن باستادى»، - دەپ اتاپ ءوتتى «دامۋ» اق وڭىرلىك فيليالىنىڭ ديرەكتورى.

ءساۋىر ايىنىڭ باسىندا قور يسلامدىق قارجىلاندىرۋدى دامىتۋ ءۇشىن Al Hilal يسلام بانكىنە 7،5 ملرد تەڭگە كولەمىندە قارجى ءبولدى. وسىلايشا، كاسىپكەرلەر يسلامدىق قارجىلاندىرۋ قاعيدالارى بويىنشا ەگەر ولاردىڭ قىزمەتتەرى شاريعاتقا جانە  قارجىلاندىرۋ باعدارلاماسىنىڭ شارتتارىنا ساي كەلسە، نەسيە الا الادى. كاسىپكەرلەر ءۇشىن ماكسيمالدى مولشەرلەمە 16،5 پايىزدان كەم ەمەس.

كاسىپكەرلەر وزدەرىنىڭ وتىنىشتەرىن  egov.kz  جانە online.damu.kz پورتالدارى ارقىلى بەرە الادى جانە  online رەجيمدە  www.damu.kz، www.online.damu.kz سايتتارى ارقىلى نەمەسە  1408 بىرىڭعاي نومەرىندەگى  Call-center-گە تەلەفون شالۋ ارقىلى كەڭەس الا الادى (قوڭىراۋ شالۋ تەگىن). سونىمەن بىرگە، وڭىرلەردەگى مەنەدجەرلەرمەن تىكەلەي بايلانىسۋعا بولادى، بايلانىسۋ اقپاراتى قوردىڭ الەۋمەتتىك جەلىلەردەگى رەسمي پاراقشالارى مەن سايتىندا ورنالاسقان.

سوڭعى جاڭالىقتار

ۇقساس جاڭالىقتار