كەشە پرەزيدەنت جانىنداعى مەملەكەتتىك باسقارۋ اكادەمياسىندا استانا جانە الماتى قالالارى مەن وبلىستىق اكىمدىكتەر اپپاراتتارىنىڭ باسشىلارى ءۇشىن «ا» كورپۋسىنىڭ اكىمشىلىك مەملەكەتتىك قىزمەتشىلەرىنىڭ بىلىكتىلىگىن ارتتىرۋ سەمينارى باستالدى.
سەمينار ءۇش كۇنگە سوزىلادى.
كەشە پرەزيدەنت جانىنداعى مەملەكەتتىك باسقارۋ اكادەمياسىندا استانا جانە الماتى قالالارى مەن وبلىستىق اكىمدىكتەر اپپاراتتارىنىڭ باسشىلارى ءۇشىن «ا» كورپۋسىنىڭ اكىمشىلىك مەملەكەتتىك قىزمەتشىلەرىنىڭ بىلىكتىلىگىن ارتتىرۋ سەمينارى باستالدى.
سەمينار ءۇش كۇنگە سوزىلادى.ونىڭ ماقساتى تىڭداۋشىلاردىڭ جوبالاردى باسقارۋ بويىنشا قۇزىرەتتەرىن دامىتۋ, مەملەكەتتىك ورگاندارداعى ىشكى ءاۋديتتىڭ نەگىزگى اسپەكتىلەرىمەن تانىستىرۋ, كوشباسشىلىق داعدىلاردى جەتىلدىرۋ, قاقتىعىستانۋ سالاسىنداعى ءبىلىمدى كەڭەيتۋ, سونداي-اق, الەۋمەتتىك قاقتىعىستاردىڭ الدىن الۋ مەن شەشۋگە اتسالىسۋ بولىپ تابىلادى.
سەميناردىڭ اشىلۋ ءراسىمىندە پرەزيدەنت اكىمشىلىگى باسشىسىنىڭ ورىنباسارى عابيدوللا ءابدىراحىموۆ, مەملەكەتتىك قىزمەت ىستەرى اگەنتتىگىنىڭ توراعاسى ءاليحان بايمەنوۆ, پرەزيدەنت جانىنداعى مەملەكەتتىك باسقارۋ اكادەمياسىنىڭ رەكتورى بولاتبەك ءابدىراسىلوۆ ءسوز الىپ, جيىننىڭ ماقساتى مەن ءمانىن ءتۇسىندىردى. سەميناردىڭ باعدارلاماسى بلوك-مودۋل قاعيداتى بويىنشا قۇراستىرىلعان ەكەن. ونى ازىرلەۋگە ەۋروپالىق وداقتىڭ ساراپشىلارى قاتىسقان.
سەميناردىڭ ءبىرىنشى كۇنى «Policy Advisory Group» ساراپشىلارى ينتەراكتيۆتى ترەنينگ وتكىزدى. وندا جوبالاردى باسقارۋداعى باستى داعدىلار ناقتى مىسالدارمەن كورسەتىلدى.
ال بۇگىن, ەكىنشى كۇنى الەمدەگى جەتەكشى مامانداردىڭ ءبىرى - شپايەر اكادەمياسىنان دوكتور دجۋليا فلەيشەر (گفر) مەملەكەتتىك ورگانداردا ىشكى ءاۋديتتى جۇرگىزۋدىڭ ءادىسناماسى مەن ەۋروپالىق تاجىريبەسى تۋرالى ايتىپ بەرەدى. ءبىزدىڭ ەلىمىزدە قازىرگى ۋاقىتتا وسى پروبلەما بويىنشا نورماتيۆتىك قۇقىقتىق بازا ازىرلەنىپ جاتقانىن اتاپ ءوتۋ كەرەك.
قورىتىندى كۇنى ENA-نىڭ تانىمال ساراپشىسى (فرانتسيا ۇلتتىق مەملەكەتتىك باسقارۋ مەكتەبى) پەر جەۆار الەۋمەتتىك شيەلەنىستەردى باسقارۋعا باستى نازار اۋدارا وتىرىپ, كوشباسشىلىقتى قالىپتاستىرۋ بويىنشا ترەنينگ وتكىزەدى. بۇل شارانىڭ بارىسىندا الەۋمەتتىك شيەلەنىستەردىڭ الدىن الۋ مەن شەشۋ شارالارى قاراستىرىلادى دەپ كۇتىلىپ وتىر.
سەرىك ءپىرنازار,
«ەگەمەن قازاقستان».
