كۋالىكتەردى تابىستاۋ ءراسىمى ەلىمىزدىڭ ىشكى ىستەر ورگاندارىنىڭ قالىپتاسۋ جانە دامۋ تاريحىنان سىر شەرتەتىن ءىىم-ءنىڭ مۇراجايىندا ءوتتى.
ءىىم باسشىسى بۇل ءساتتىڭ ماڭىزدىلىعىن ايتىپ, ءاربىر ازامات مەملەكەتتىك ءانۇراندى, ەلتاڭبا مەن تۋدى قۇرمەتتەۋگە ءتيىس ەكەنىن اتاپ ءوتتى.
– پرەزيدەنت قاسىم-جومارت توقاەۆ پوليتسيانىڭ الدىنا ناقتى مىندەتتەر قويدى. ول – قوعامدىق قاۋىپسىزدىكتى ساقتاۋ جانە قيىن جاعدايلاردا ازاماتتارعا كومەك كورسەتۋ. پوليتسيا جۇمىسىنا حالىقتىڭ ءوزى باعا بەرەدى. سوندىقتان مەن سىزدەرگە ءوز ىستەرىڭىزدىڭ ناعىز مامانى بولىپ, ءاردايىم حالىق مۇددەسىن جوعارى قويىڭدار دەمەكپىن. سىزدەردىڭ بارلىقتارىڭىزعا اماندىق جانە جۇمىستا تابىس تىلەيمىن!, – دەدى مينيستر ەرلان تۇرعىمباەۆ.
جاس وفيتسەرلەر ارنايى ماقساتتاعى جاساقتا, پاترۋلدىك جانە يۋۆەنالدىق پوليتسيا بولىنىستەرىندە جۇمىس ىستەيتىن بولادى. ولار ءىىم مۇراجايىندا ىشكى ىستەر ورگاندارىنىڭ تاريحىمەن تانىسىپ, ءوز حالقىنىڭ يگىلىگى ءۇشىن ادال قىزمەت ەتۋگە انت ەتتى.
جالپى جىل باسىنان بەرى ىشكى ىستەر ورگاندارىنىڭ 1724 قىزمەتكەرىنە “پوليتسيا لەيتەنانتى” ارنايى اتاعى بەرىلگەن.
