قوستاناي وبلىسىندا پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ باستاعان جۇمىس توبى بولىپ قايتتى. ساپار ماقساتى – وڭىردەگى يندۋستريالاندىرۋ كارتاسى نىساندارى جاعدايى مەن ۇدەمەلى يندۋستريالىق-يننوۆاتسيالىق دامۋ باعدارلاماسىن جۇزەگە اسىرۋ بارىسىمەن تانىسۋ, پروبلەمالاردى تالقىلاۋ.
ۇستىمىزدەگى جىلدىڭ ەكىنشى جارتىسىندا قوستاناي وبلىسىندا قۇنى 31,8 ميلليارد تەڭگە بولاتىن 8 جوبا ومىرگە جولداما الماق. ولاردا بولاشاقتا 828 قوستانايلىق جۇمىس ورنىن تابادى.
قوستاناي وبلىسىندا پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ باستاعان جۇمىس توبى بولىپ قايتتى. ساپار ماقساتى – وڭىردەگى يندۋستريالاندىرۋ كارتاسى نىساندارى جاعدايى مەن ۇدەمەلى يندۋستريالىق-يننوۆاتسيالىق دامۋ باعدارلاماسىن جۇزەگە اسىرۋ بارىسىمەن تانىسۋ, پروبلەمالاردى تالقىلاۋ.
ۇستىمىزدەگى جىلدىڭ ەكىنشى جارتىسىندا قوستاناي وبلىسىندا قۇنى 31,8 ميلليارد تەڭگە بولاتىن 8 جوبا ومىرگە جولداما الماق. ولاردا بولاشاقتا 828 قوستانايلىق جۇمىس ورنىن تابادى.ءا.يسەكەشەۆ ەكونوميكالىق ماڭىزى ۇلكەن بىرنەشە ءوندىرىس ورىندارىن ارالادى. ول الدىمەن «اگروماش حولدينگ» اق-تا بولىپ, وسى ءوندىرىس جانە «سارىاركا اۆتوپروم» جشس شىعارعان «Ssang Yong», «Chance» جانە «Peugeot» اۆتوموبيلدەرىن كوردى.
كەلەر جىلدىڭ ناۋرىز ايىنان باستاپ Toyota ماشيناسى قۇراستىرىلا باستايدى. قازىر ونىڭ تسەحتارى دايىندالۋ ۇستىندە. ءوندىرىس باسشىلارىنىڭ ايتۋىنشا, ماشينا قۇراستىرۋ سالاسىندا ادامداردى وسى كاسىپكە ۇيرەتۋ, بىلىكتى ماماندار دايىنداۋ ءىسى الدىڭعى ورىنعا شىقپاق. مۇنداعى ەكى جوبا رەسپۋبليكالىق يندۋستريالاندىرۋ كارتاسىنىڭ اياسىندا جىل اياعىنا دەيىن اياقتالىپ, جۇزەگە اسىرىلادى. اسەت يسەكەشەۆ قوستانايداعى ماشينا جاساۋ كلاستەرىنە جاقسى باعا بەردى.
– وتكەن جىلى اۋىلشارۋاشىلىق تەحنيكالارى, جۇك كولىكتەرى, جەڭىل جۇردەك كولىكتەر ءتۇرى – بارلىعى 2 مىڭ ماشينا قۇراستىرىلسا, بيىل ونىڭ سانى 8 مىڭعا جەتتى, كەلەر جىلى 20 مىڭ بولماق. ال بەس جىلدان كەيىن مۇندا جىلىنا 75 مىڭ ماشينا قۇراستىرىلاتىن بولادى. وسى كاسىپورىنداردا 2,5 مىڭ ادام جۇمىس ىستەيدى. الداعى ماقسات ىشكى نارىقتى قامتاماسىز ەتۋمەن قاتار, مۇمكىندىگىنشە ءونىمدى ەكسپورتقا شىعارۋ, – دەدى اسەت يسەكەشەۆ.
ول سونىمەن قاتار, قوستانايداعى «ەۆرازكاسپيان ستال» زاۋىتىندا بولدى. زاۋىت قۇرىلىسى جىل سوڭىنا دەيىن اياقتالماق, ول قۋاتىندا جۇمىس ءىستەگەندە جىلىنا 450 مىڭ توننا ارماتۋرا وندىرەتىن بولادى. زاۋىت ىشكى نارىقتاعى قۇرىلىس كاسىپورىندارىن تەمىر ارقاۋلارمەن قامتاماسىز ەتەدى. بۇل قۇرىلىس جۇمىسىنا ەڭ قاجەتتى, نارىقتا سۇرانىمعا يە ماتەريالدىڭ ءبىرى ەكەنى انىق. جوبا 18 ميللياردتان استام تەڭگەگە ءتۇستى. زاۋىت قۇرىلىسى بىتكەننەن كەيىن مۇندا 350 ادام تۇراقتى ەڭبەك ەتەدى.
اسەت يسەكەشەۆتىڭ تاعى ءبىر توقتاعان نىسانى – «بك-ستروي» جشس-نىڭ تەمىر-بەتون زاۋىتى بولدى. اشىلعانىنا از عانا ۋاقىت بولعان زاۋىت جىلىنا 30 مىڭ تەكشە مەتر تەمىر-بەتون پليتالارىن جاسايدى. وبلىستىڭ يندۋستريالاندىرۋ كارتاسى اياسىندا بىتكەن ماڭىزدى ءوندىرىس كاسىپورنىنىڭ ءبىرى بولىپ سانالاتىن بۇل جوبانىڭ قۇنى ون ميلليارد تەڭگەگە جۋىقتايدى.
نىسانداردى ارالاعاننان كەيىن ۆيتسە-پرەمەر ءا.يسەكەشەۆ پەن وبلىس اكىمى ن.سادۋاقاسوۆتىڭ قاتىسۋىمەن جيىن ءوتتى. وندا وڭىردەگى ۇدەمەلى يندۋستريالىق-يننوۆاتسيالىق دامۋ باعدارلاماسىنىڭ جۇزەگە اسىرىلۋ بارىسى ءسوز بولدى.
ءنازيرا جارىمبەتوۆا,
«ەگەمەن قازاقستان».
قوستاناي.
