اقپارات جانە قوعامدىق دامۋ ءمينيسترى ايدا بالاەۆا مەملەكەت باسشىسىنىڭ «ەلدەگى الەۋمەتتىك-ساياسي وزگەرىستەر جاعدايىندا جۋرناليستىك قاۋىمداستىقتىڭ ءرولى ايتارلىقتاي ارتادى, جۋرناليستەردىڭ جاۋاپتى ازاماتتىق ۇستانىمى, ولاردىڭ كاسىبيلىگى, شىنشىلدىعى – تابىستى جۇمىستىڭ كەپىلى» دەپ ءبىر جىل بۇرىن ايتقان ءسوزىن ەسكە سالىپ, بۇگىندە بۇل ءسوزدىڭ سالماعى ودان سايىن ارتقانىن ايتتى.
– بۇكىل الەمدى دۇرلىكتىرگەن كوروناۆيرۋس ىندەتى ەلىمىزگە تارالىپ, توتەنشە جاعداي جاريالانعان كەزدە ءبىزدىڭ جۋرناليستەرىمىز دە دارىگەرلەر, پوليتسەيلەر جانە اسكەريلەرمەن قاتار ءوز ازاماتتىق پوزيتسيالارىنان اينىماي, قاۋىپتىڭ العى شەبىندە ءجۇردى, حالىقتى شىنايى اقپاراتپەن قامتاماسىز ەتىپ وتىردى. جاسىراتىنى جوق, جۋرناليستەرگە قوسىمشا سانيتارلىق قاۋىپسىزدىك شارالارى جاسالماسا دا, تىلشىلەر قاۋىمى مەن قانشاما تەحنيكالىق قىزمەتكەرلەر ءوز كاسىبىنە ادال ەڭبەك ەتتى. سول ءۇشىن دە سىزدەرگە, بۇكىل اقپارات سالاسىندا قىزمەت ەتەتىن قاۋىمعا شىنايى العىسىمدى بىلدىرەمىن, – دەدى ايدا بالاەۆا.
