كەشە ەلىمىزدىڭ قورعانىس مينيسترلىگىندە ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتى مەن «نۇر وتان» حدپ پارتيالىق جەتەكشىسى ساراپتاۋ توبىنىڭ «قورعانىس قابىلەتى جانە قاۋىپسىزدىك» باعىتى بويىنشا كوشپەلى وتىرىسى بولىپ ءوتتى.
حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ باستاعان دەپۋتاتتار قاتىسقان جيىن بارىسىندا اسكەري ءبىلىم مەن اسكەري عىلىمدى دامىتۋدىڭ كەلەشەگى كەڭىنەن ءسوز بولدى.
كەشە ەلىمىزدىڭ قورعانىس مينيسترلىگىندە ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتى مەن «نۇر وتان» حدپ پارتيالىق جەتەكشىسى ساراپتاۋ توبىنىڭ «قورعانىس قابىلەتى جانە قاۋىپسىزدىك» باعىتى بويىنشا كوشپەلى وتىرىسى بولىپ ءوتتى.
حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ باستاعان دەپۋتاتتار قاتىسقان جيىن بارىسىندا اسكەري ءبىلىم مەن اسكەري عىلىمدى دامىتۋدىڭ كەلەشەگى كەڭىنەن ءسوز بولدى. اتاپ ايتقاندا, وفيتسەر مامانداردى دايىنداۋ جۇيەسىن جەتىلدىرۋ جانە قازاقستاننىڭ اسكەري وقۋ ورىندارىنىڭ بىرىڭعاي اقپاراتتىق-ءبىلىم جەلىسىن دامىتۋ ماسەلەلەرى تالقىعا سالىندى.
ءماجىلىس دەپۋتاتى قۋانىش سۇلتانوۆتىڭ سوزىنە قاراعاندا, بۇل كوميتەتتىڭ جۇمىس جوسپارىنا سايكەس وتكىزىلگەن كەزەكتى جۇمىسشى وتىرىسى. زامان ءۇردىسى مەن تالاپ-تىلەگىنە قاراي جاڭا تەحنولوگيالاردىڭ قالىپتاسۋى زامانىندا وزىق ادىستەردى قولدانۋ جانە اسكەريلەردىڭ كاسىبي دايىندىعى توڭىرەگىندە پىكىر الماسۋ – ۋاقىت تالابى.
كوميتەت توراعاسى كوشپەلى وتىرىستى وتكىزۋدىڭ ماڭىزىنا ارناعان سوزىندە ونى الەمدەگى وزگەرىستەرمەن بايلانىستىردى. اسكەري قاۋىپسىزدىك سالاسىندا دا ايتارلىقتاي وزگەرىستەر ورىن الۋدا. جاڭا اسكەري تەحنيكالاردىڭ ەنگىزىلۋىمەن قاتار, قاشىقتان باسقارۋ ارەكەتتەرى دە كەڭىنەن قولدانىلا باستاعان. اسكەري قاۋىپسىزدىكتى قامتاماسىز ەتۋ سالاسىنداعى ينتەللەكتۋالدى فاكتوردىڭ ءرولى ارتتىرىلۋدا. سوندىقتان دا جاڭا ءداۋىردىڭ اسكەري وفيتسەرلەرى مەن كادرلارىن دايارلاۋ ماڭىزى ارتىپ وتىر. ولاي بولسا, اسكەري ماماندار وتە ءبىلىمدى بولۋىمەن قاتار, ءوز وتانىن سۇيە ءبىلۋى دە شارت.
سونداي-اق, كوميتەت توراعاسى اسكەري عىلىمدى دامىتۋ سالاسىندا اسكەري تاپسىرىستاردى ۇلعايتۋ ۋاقىت تالابى دەگەنگە ەرەكشە توقتالدى. ماتەريالدىق-تەحنيكالىق بازانى نىعايتۋ ءماسەلەسى دە نازاردان تىس قالعان جوق. ال ءماجىلىس دەپۋتاتى اباي تاسبولاتوۆ ءسوز رەتى كەلگەندە پاتريوتتىق تاربيە بەرۋدى باتىر بابالارىمىزدىڭ ەرلىك جولدارىن زەرتتەۋ مەن زەردەلەۋ ارقىلى ءجۇزەگە اسىرۋعا بولاتىنىمەن ءبولىستى. دەپۋتاتتىڭ پايىمىنشا, ءاسكەري پاتريوتتىق سەزىم العاشقى اسكەري دايىندىقتان, ياعني مەكتەپ قابىرعاسىنان باستالادى. وسى رەتتە گەنەرال العاشقى اسكەري دايىندىققا بولىنگەن 140 ساعاتتى 68-گە قىسقارتۋدىڭ ورىنسىز ەكەندىگىن ايتىپ, ءوز قىنجىلىسىن ءبىلدىردى.
بۇدان كەيىن ءسوز العان ءماجىلىس دەپۋتاتى باقىتجان ەرتاەۆ كۋرسانتتاردىڭ 95 پايىزى قازاق ءتىلىن بىلگەنىمەن, ولارعا بەرىلەتىن ءبىلىم رەسمي تىلدە جەتكىزىلەتىنىن ورتاعا سالدى. ول وسى ءسوزدى ايتا وتىرىپ, اسكەري ۇستازداردىڭ قازىردەن ءبىلىمدى مەملەكەتتىك تىلدە بەرۋى قاجەتتىگىنە ەرەكشە ەكپىن ءتۇسىردى. وقىتۋ-ماتەريالدىق بازا ۋاقىت تالابىنا ساي بولۋى كەرەكتىگىن ەسكەرتكەن گەنەرال ونىڭ قازىرگى زامان سىن-قاتەرلەرىنە جاۋاپ بەرە الاتىنداي دەڭگەيدە بولۋى قاجەتتىگىن دە قاپەرگە سالدى. ولاي بولسا, قازاقستان ءوزىنىڭ اسكەري ءوندىرىسىن ارتتىرىپ, اسكەري عىلىمىن دامىتۋى قاجەت. ول ءۇشىن اسكەريلەر ىشكى جاتتىعۋلارمەن قاتار, حالىقارالىق جاتتىعۋلارعا دا قاتىسىپ, ونى عىلىمي زەرتتەۋلەرمەن ۇشتاي تۇسۋلەرى ءتيىس.
كوشپەلى وتىرىس بارىسىندا تاقىرىپقا ساي قورعانىس قابىلەتى جانە قاۋىپسىزدىك ماسەلەلەرى جان-جاقتى تالقىلانىپ, اسكەري ءبىلىم مەن عىلىمدى دامىتۋ جايى كەڭىنەن ءسوز بولدى. كوپتەگەن ۇسىنىستار ورتاعا سالىندى.
اسقار تۇراپباي ۇلى,
«ەگەمەن قازاقستان».
