كەشە «قازمەديا ورتالىعىنىڭ» عيماراتىندا «الماتى دەكلاراتسياسىنىڭ» 35 جىلدىعىنا وراي وتەتىن حالىقارالىق كونفەرەنتسياعا ارنالعان ءباسپاسوز ءماسليحاتى ۇيىمداستىرىلدى.
جيىنعا دەنساۋلىق ساقتاۋ ۆيتسە-ءمينيسترى ەرىك ءبايجۇنىسوۆ, دۇنيەجۇزىلىك دەنساۋلىق ساقتاۋ ۇيىمىنىڭ قازاقستانداعى وكىلدىگىنىڭ باسشىسى مەليتا ۆۋينوۆيچ جانە بۇۇ بالالار قورى (يۋنيسەف) وكىلدىگىنىڭ ۇيلەستىرۋشىسى ايگۇل نۇرعابىلوۆا قاتىستى.
كەشە «قازمەديا ورتالىعىنىڭ» عيماراتىندا «الماتى دەكلاراتسياسىنىڭ» 35 جىلدىعىنا وراي وتەتىن حالىقارالىق كونفەرەنتسياعا ارنالعان ءباسپاسوز ءماسليحاتى ۇيىمداستىرىلدى.
جيىنعا دەنساۋلىق ساقتاۋ ۆيتسە-ءمينيسترى ەرىك ءبايجۇنىسوۆ, دۇنيەجۇزىلىك دەنساۋلىق ساقتاۋ ۇيىمىنىڭ قازاقستانداعى وكىلدىگىنىڭ باسشىسى مەليتا ۆۋينوۆيچ جانە بۇۇ بالالار قورى (يۋنيسەف) وكىلدىگىنىڭ ۇيلەستىرۋشىسى ايگۇل نۇرعابىلوۆا قاتىستى.
دەنساۋلىق ساقتاۋ ۆيتسە-ءمينيسترى ەرىك ءبايجۇنىسوۆ بيىلعى 6-7 قاراشادا الماتىدا دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىسىمەن الماتى دەكلاراتسياسىنىڭ 35 جىلدىعىنا وراي حالىقارالىق كونفەرەنتسيا وتەتىنىن, وعان الەمنىڭ جەتپىسكە جۋىق ەلىنەن ماماندار كەلەتىنىن مالىمدەدى.
«وسىدان 35 جىل بۇرىن العاش رەت الەمنىڭ 157 مەملەكەتى «الماتى دەكلاراتسياسى» اتتى ۇلكەن قۇجاتتى قابىلداپ, بۇل قۇجات الەم ەلدەرىنە تارالعان بولاتىن. قۇجاتتا العاشقى مەديتسينالىق-سانيتارلىق كومەككە (امسك) باسىمدىق بەرىلىپ, ول بارشا الەمنىڭ دەنساۋلىق ساقتاۋ جۇيەسىنىڭ باستى باعىتى ەتىپ ايقىندالعان ەدى» – دەدى ۆيتسە-مينيستر.
ول, سونداي-اق, جۋىردا وتەتىن كونفەرەنتسيانىڭ وزگە مەملەكەتتەرمەن تاجىريبە الماسۋعا, العاشقى مەديتسينالىق-سانيتارلىق كومەكتىڭ جاڭا يننوۆاتسيالىق جولدارىن قامتاماسىز ەتە وتىرىپ, دەنساۋلىق ساقتاۋ جۇيەسىنىڭ تيىمدىلىگىن جاقسارتۋعا, حالىق دەنساۋلىعىنا اسەر ەتەتىن باسقا دا سەكتورلاردى تارتۋ, يننوۆاتسيالىق تەحنولوگيالار مەن امسك قىزمەتىن كومپيۋتەرلەندىرۋ بويىنشا بۇدان ءارى قارايعى ۇستانىمداردى انىقتاۋعا مۇمكىندىك بەرەتىنىن اتاپ ءوتتى.
«ەگەمەن-اقپارات».
