قازاقستان • 04 ماۋسىم، 2020

ساۋات مىڭباەۆ: «قتج» وزىنە قويىلعان مىندەتتى 100 پايىز ورىنداپ وتىر

24 رەت كورسەتىلدى

نۇرسۇلتان نازارباەۆتىڭ توراعالىعىمەن «سامۇرىق-قازىنا» ۇلتتىق ءال-اۋقات قورىن باسقارۋ جونىندەگى كەڭەستىڭ وتىرىسىندا ءسوز العان «قازاقستان تەمىر جولى» ۇلتتىق كومپانياسى» اق-نىڭ باسقارما توراعاسى ساۋات مىڭباەۆ ءبىر جىلداعى جۇمىس قورىتىندىسىنا توقتالدى. 

«بىلتىر جۇك تاسىمالى 2018 جىلعا قاراعاندا 1،8 پايىزعا، ترانزيتتىك تاسىمال 3،7 پايىزعا، كونتەينەردەگى ترانزيت 23،7 پايىزعا، وپەراتسيالىق كىرىسى 33 پايىزعا ارتتى. بۇل ناقتى اتقارىلعان جۇمىستىڭ ناتيجەسى. وپەراتسيالىق قىزمەت بويىنشا كەرى ناتيجە بار. ول كۋرستىق ايىرماشىلىققا بايلانىستى. كرەديتتىك قارىزدى 17 پايىزعا ازايتۋعا مۇمكىندىك تۋدى. وسىلايشا، قازىرگى مىندەتتەمە بويىنشا «قازاقستان تەمىر جولى» وزىنە قويىلعان مىندەتتى 100 پايىز ورىنداپ وتىر»، دەدى س.مىڭباەۆ.

 

سوڭعى جاڭالىقتار

ۇقساس جاڭالىقتار