ارينە, نامازدار ەلىمىزدىڭ باس سانيتار-دارىگەرىنىڭ قاۋلىسى بويىنشا, اراقاشىقتىقتى ساقتاي وتىرىپ وقىلادى جانە مەشىتتىڭ ءىشى 30%-عا عانا تولتىرىلادى. ال قالعان ادامدار مەشىت سىرتىندا قۇلشىلىق جاسايدى. بۇل تۋرالى بۇگىن وڭىرلىك كوممۋنيكاتسيالار قىزمەتىندە تۇركىستان وبلىسىنىڭ باس يمامى مۇسابەك اقتامبەردى مالىمدەدى. مەشىتتەر جالپى كوپشىلىككە 2 كەزەڭمەن اشىلادى. ءبىرىنشى - اۋدان, قالا, اۋىلدىق وكرۋگتەردەگى جاماعاتى كوپ جينالاتىن ءىرى مەشىتتەر, سوسىن بارلىق اۋىل-ايماقتىڭ مەشىتتەرى جاپپاي اشىلاتىن بولادى.
«كارانتين جاعدايىندا مەشىت قىزمەتكەرلەرى مەن كەلۋشىلەر مىندەتتى تۇردە بەتپەردە قولدانۋى ءتيىس. بارلىق مەشىتتەردىڭ ناماز وقيتىن, قۇران وقيتىن بولمەلەرى انتيسەپتيكالىق قۇرالدارمەن قامتاماسىز ەتىلەدى. كەلۋشىلەر 1,5 مەتر اراقاشىقتىقتى ساقتاي وتىرىپ جەكە جانە جاماعات نامازدارىن وقيدى. مەشىت دارەتحانالارى قاۋىپسىزدىك ماقساتىندا كارانتين رەجيمى اياقتالعانشا جابىق تۇرادى. جۇما ۋاعىزى ايتىلمايدى. جۇما نامازىنىڭ قۇتپاسى مەن نامازى 15 مينۋتتان اسىرىلمايتىن بولادى», دەدى وبلىس يمامى.
ال تۇركىستان قالاسىنىڭ باس يمامى جۇسىپبەك قاسىمبەك وبلىس ورتالىعىنداعى 30 مەشىتتىڭ ازىرگە 17-ءى كوپشىلىك ءۇشىن اشىلاتىنىن ءمالىم ەتتى.
تۇركىستان وبلىسى
