ونىڭ ايتۋىنشا, 1971 جىلدىڭ 2 اقپانىندا يراننىڭ رامسار قالاسىندا نەگىزىنەن سۋدا جۇزەتىن قۇستاردىڭ مەكەندەيتىن جەرى رەتىندە حالىقارالىق ماڭىزى بار سۋلى-باتپاقتى جەرلەر تۋرالى كونۆەنتسيا نەمەسە رامسار كونۆەنتسياسى قابىلداندى. قازاقستان بۇل 2007 جىلى كۇشىنە ەندى. بۇگىنگى تاڭدا قازاقستاندا حالىقارالىق ماڭىزى بار سۋلى-باتپاقتى القاپتاردىڭ 10 نىسانى بار, جالپى اۋدانى 3 281 398 گا.
ورتالىق ازياداعى رامسار كونۆەنتسياسىنىڭ قاعيداتتارىن ىلگەرىلەتۋ ءۇشىن بەس ەل (قازاقستان, قىرعىزستان, تۇركىمەنستان, وزبەكستان جانە تاجىكستان) اراسىنداعى ىنتىماقتاستىق پەن ءوزارا ءىس-قيمىلدى كۇشەيتۋ ارقىلى 2016 جىلى ورتالىق ازيانىڭ رامسار وڭىرلىك باستاماسى قۇرىلدى.
-ۇلكەن اۋماقتى ەكسپرەسس-باعالاۋ جۇمىستارىنا مەنىمەن بىرگە ماڭعىستاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى ەسەنقوس ادىلباەۆ پەن اقتاۋ قالاسىنىڭ حيميا-بيولوگيا باعىتىنداعى نازارباەۆ زياتكەرلىك مەكتەبى ديرەكتورىنىڭ ورىنباسارى باقىتگۇل جاقسىلىقوۆا قاتىستى. بىزگە كەڭەستىك كەزەڭنەن كەيىنگى كەڭىستىكتەگى ەڭ بەدەلدى عالىم-ورنيتولوگتاردىڭ ءبىرى, رري-وا ۇيلەستىرۋ كوميتەتىنىڭ توراعاسى, پروفەسسور ەلدار انۆەروۆيچ رۋستاموۆ باعا جەتپەس كونسۋلتاتسيالىق كومەك كورسەتتى, بۇل سول ءۇشىن وعان ەرەكشە العىس بىلدىرەمىز, دەدى ادىلبەك قوزىباقوۆ.
ەسكە سالا كەتەيىك, اعىمداعى جىلدىڭ 3 اقپانىندا نۇر-سۇلتان قالاسىندا «ەرىكتىلەر جىلى» اياسىندا ەكولوگيا بويىنشا قاۋىمداستىقتار مەن ۆولونتەرلەردىڭ ءسليوتى ءوتتى. ماڭعىستاۋلىق ەكو-ۆولونتەر, بيولوگ ادىلبەك قوزىباقوۆ ماڭعىستاۋ وبلىسى بويىنشا «رەسمي امباسسادور» بولىپ سايلانعان بولاتىن.
