– ازاماتتاردى جۇمىسپەن قامتۋ جول كارتاسى» باعدارلاماسىنىڭ ارقاسىندا الماتىدا 10 مىڭنان استام تۇراقتى جۇمىس ورنى پايدا بولدى. جوسپار بويىنشا ءبىز 26 مىڭداي جاڭا جۇمىس ورنىن اشامىز. بۇل - نەگىزىنەن قۇرىلىس سالاسىنىڭ ماماندارى. بىزدە كافەل جابىستىراتىن, دانەكەرلەۋشى سياقتى ماماندىقتارعا سۇرانىس جوعارى. ولاردىڭ ورتاشا جالاقىسى - 80-120 مىڭ تەڭگە ارالىعىندا, – دەيدى دانيار الكەباي ۇلى.
باسقارما باسشىسىنىڭ ورىنباسارى سونداي-اق, قالادا «ەڭبەك» باعدارلاماسى جۇزەگە اسىرىلىپ جاتقانىنا توقتالىپ ءوتتى.
«ەڭبەك» باعدارلاماسى بويىنشا جۇمىس بەرۋشىلەر ۋاقىتشا جۇمىس ورىندارىن ۇيىمداستىرادى. ول ءۇشىن بيۋدجەتتەن قاراجات قاراستىرىلعان. بۇل - قوعامدىق جۇمىستار, الەۋمەتتىك جۇمىس ورىندارى جانە جاستار پراكتيكاسى. قوعامدىق جۇمىسقا قاتىساتىن ادامداردىڭ ەڭبەگىنە اقى تولەۋدى حالىقتى جۇمىسپەن قامتۋ ورتالىعى اي سايىن جۇمىس بەرۋشىلەر ۇسىنعان مالىمەتتەر نەگىزىندە جۇرگىزەدى. ەڭ تومەنگى جالاقى - 85 000 تەڭگە. سونداي-اق, تەحنيكالىق جانە كاسىپتىك وقۋ بار. ول جەردە 9-11 سىنىپتى بىتىرگەن تۇلەكتەر, جوعارى وقۋ ورنىنا تۇسە الماعان جاستار ءبىلىم الا الادى. ول بويىنشا بيىل 2 500 ادامدى قامتاماسىز ەتەمىز», - دەيدى ول.
الماتى قالاسى كاسىپكەرلەر پالاتاسىنىڭ ديرەكتورى ناريمان ابىلشايىقوۆتىڭ ايتۋىنشا, قالادا 700 مىڭنان استام ادام كاسىپكەرلىك سالاسىندا جۇمىس ىستەيدى.توتەنشە جاعداي كەزىندە 80-گە جۋىق كاسىپورىنىڭ جۇمىسى توقتادى.
«جۇمىسپەن قامتۋ جول كارتاسى» جانە «ەڭبەك» باعدارلاماسى اياسىندا قالامىزداعى كاسىپكەرلەرگە كومەك قاراستىرىلىپ وتىر. الەۋمەتتىك جۇمىس, جاستار تاجىريبەسى بويىنشا كاسىپكەرلەرىمىز وزىنە قاجەتتى ماماندىقتاردى يەگىپ جاتىر. سونداي-اق, «اتامەكەن» قولداۋ ورتالىعى» جوباسىن جۇزەگە اسىرىپ جاتىرمىز. ماقسات – جۇمىسسىز ازاماتتاردى جۇمىسقا ورنالاستىرۋ. ءار مەنەدجەر كۇنىنە 5 بوس جۇمىس ورنىن مالىمەتتەر بازاسىنا جانە جۇمىسسىزدارمەن جۇمىس بولىمىنە قوسادى. سونىمەن, بۇگىنگى تاڭدا الماتىداعى بوس جۇمىس ورىندارىنىڭ مالىمەتتەر بازاسىندا 107 ماماندىق بار, 1908 ادام جىبەرىلدى», - دەيدى جاۋاپتى مامان.
