وسكەمەندەگى «ازيا-اۆتو» زاۋىتىنىڭ ەكىنشى تىنىسى اشىلدى. مۇنىڭ الدىندا دا اقپارات قۇرالدارى وكىلدەرى جاقىن ارادا قۇنى 62,4 ميلليارد تەڭگەنى قۇرايتىن تولىق تسيكلدى ءوندىرىس ورنىنىڭ قۇرىلىسى باستالاتىنىنان حاباردار ەتكەن بولاتىن. ونىڭ جوباسى رەسپۋبليكانىڭ يندۋستريالاندىرۋ كارتاسىنا ەنىپ, ەلباسىنىڭ نازارىندا تۇرعانى بەلگىلى.
وسكەمەندەگى «ازيا-اۆتو» زاۋىتىنىڭ ەكىنشى تىنىسى اشىلدى. مۇنىڭ الدىندا دا اقپارات قۇرالدارى وكىلدەرى جاقىن ارادا قۇنى 62,4 ميلليارد تەڭگەنى قۇرايتىن تولىق تسيكلدى ءوندىرىس ورنىنىڭ قۇرىلىسى باستالاتىنىنان حاباردار ەتكەن بولاتىن. ونىڭ جوباسى رەسپۋبليكانىڭ يندۋستريالاندىرۋ كارتاسىنا ەنىپ, ەلباسىنىڭ نازارىندا تۇرعانى بەلگىلى.
سونىمەن زاۋىت قۇرىلىسى باستالدى. شىعىس قازاقستان وبلىسىنىڭ اكىمى ب.ساپارباەۆ ارنايى تاپسىرما بەرىپ, قۇرىلىس الاڭىنا 306 گەكتار جەر تەلىمى ءبولىندى. بيىل 600 ميلليون تەڭگەنىڭ قۇرىلىس-مونتاج جۇمىستارى اتقارىلماق. 18 قىركۇيەكتە ۇكىمەت باسشىسى سەرىك احمەتوۆتىڭ قاتىسۋىمەن ەلىمىزدەگى اۆتوموبيل ءوندىرىسىن دامىتۋ جونىندە القالى جيىن ءوتتى. بىزگە ناقتى تاپسىرما بەرىلدى. زاۋىت قۇرىلىسىن مەرزىمىندە اياقتاۋ, وتاندىق ءوندىرىستى جەتىلدىرۋ وڭاي شارۋا ەمەس. ماقسات بەلگىلى – قازاقستاندا شىعارىلاتىن زاۋىت ونىمدەرى ساپالى بولۋى ءتيىس, ونى كورشى مەملەكەتتەرگە ساۋدالاۋدى ءتيىمدى ۇيىمداستىرعاندا عانا, تابىس بيىگىنەن كورىنە الامىز, دەدى «ازيا-اۆتو-قازاقستان» كومپانياسىنىڭ پرەزيدەنتى ەرجان مانديەۆ.
ءوڭىر باسشىسى ب.ساپارباەۆ سونىمەن بىرگە, سەمەيدەگى «سەماز» اۆتوبۋس زاۋىتى شىعاراتىن كولىكتەردى قازاقستاندىق كاسىپورىنداردىڭ قولداۋى, مەكەمەلەر مەن ۇيىمداردىڭ ساتىپ الۋ ماسەلەسى دە شەشىلگەنىن تەلگە تيەك ەتتى. شىنىندا دا, شەتتەن تاسىعاننان گورى ءوز كولىگىمىزگە قولداۋ كورسەتۋدىڭ ءتيىمدى جاقتارى كوپ ەكەنى اركىمگە بەلگىلى بولسا كەرەك.
الدىن الا ەسەپتەۋ بويىنشا, زاۋىت تولىق قۋاتىندا ىسكە قوسىلعاندا كاسىپورىندا 12 مىڭ ادام جۇمىسقا تارتىلماق. 2017 جىلى بيۋدجەتكە – 15,1, ال 2022 جىلى 21,5 ميلليارد تەڭگە قارجى ءتۇسۋى ءتيىس دەپ بەلگىلەندى. اتالمىش جوباعا الەمدەگى بەلگىلى «رەنو-نيسسان-اۆتوۆاز» كومپانياسىنىڭ قاتىسۋى دا وتاندىق كولىكتىڭ بولاشاعىن ايقىنداپ بەرمەك.
وڭداسىن ەلۋباي,
«ەگەمەن قازاقستان».
وسكەمەن.
