شىمكەنت قالالىق ارداگەرلەر كەڭەسىنىڭ توراعاسى يسامۋدين رىسباي باستاعان, دوسىباي شەرىمقۇلوۆ, وستەمىر بيتورەەۆ, ءابدىجاپپار وڭالباەۆ سىندى ەسىمدەرى ەلگە بەلگىلى ازاماتتار ۇيىتقى بولىپ, اعا بۋىن جيناعان ءبىر جارىم ميلليون تەڭگەنى ارنايى قورعا اۋداردى. اۋدانداعى قازىرگى جاعدايعا قانىقتى.
ەلىمىزدەگى قانداي دا ءبىر قيىندىق, ول بىرلىگىمىزدى نىعايتادى, باۋىرمال ەل ەكەنىمىزدى كورسەتەدى, دەيدى ارداگەرلەر.
ء«ۇشىنشى مەگاپوليستىڭ ءتورت اۋدانىندا مەكەندەيتىن جانە ەسەپتە تۇراتىن 80 مىڭنان استام زەينەتكەر ەلدەگى جاڭالىقتار مەن وزگەرىستەردىڭ بارىسىن ۇنەمى قاداعالاپ وتىرادى. بۇل ساپارىمىزدا بۇقارا حالىقتىڭ جاعدايىمەن تانىسىپ, ونداعى شارۋانى باعامداپ, قولىمىزدان كەلگەنىنشە كومەكتەسۋ مىندەتى تۇردى. اۋىل تۇرعىندارىمەن كەزدەسىپ, وي بولىستىك, اقساقالدىق اقىل - كەڭەسىمىزدى ايتتىق», دەيدى قالالىق ارداگەرلەر كەڭەسىنىڭ توراعاسى. ال كەزىندە ۇزاق جىلدار «ماقتاارال» كەڭشارىن باسقارعان ءابدىجاپپار وڭالباەۆ سۋ باسقان ەگىستىك القاپتاردى قالپىنا كەلتىرۋ جۇمىستارىن جۇيەلى جۇرگىزۋگە ىقپال ەتەتىن گيدروتەحنيك-سۋ ماماندارىن, اگرونوم, اۋىل شارۋاشىلىعى ينجەنەرلەرىن كوپتەپ تارتۋ قاجەت دەپ ەسەپتەيدى. «جۇرەگىندە يمانى بار كەز كەلگەن ادام اللا الدىنداعى قاسيەتتى پارىزدىڭ ءبىرى قايىرىمدىلىق دەپ بىلەدى. ماقتاارالعا ساپارىمىزدا, ءبىز ارينە, ەڭ الدىمەن قيىندىققا تاپ بولعان جاندارعا جاقسىلىق جاساۋدى باستى ماقسات ەتتىك. بۇل ءبىزدىڭ ءوڭىر حالقىنىڭ باسىنا تۇسكەن اۋىر ناۋبەت, ۇلكەن سىن, ال, سىناقتى جەڭە ءبىلۋ – بارشامىزدىڭ مىندەتىمىز ءھام پارىزىمىز», - دەيدى ءابدىجاپپار اقساقال.
تۇركىستان وبلىسى
