«بۇگىن ەلىمىزدىڭ ەگەمەندىگى مەن بىرتۇتاستىعىنىڭ قاستەرلى سيمۆولى سانالاتىن قازاقستان رەسپۋبليكاسىنىڭ مەملەكەتتىك رامىزدەرى كۇنى.
پرەزيدەنتىمىز ءوز قۇتتىقتاۋىندا اتاپ وتكەندەي, ەلتاڭبا, تۋ, ءانۇران – تاۋەلسىزدىگىمىزدىڭ باستى قۇندىلىقتارىنىڭ كورىنىسى, بەيبىتشىلىك, بىرلىك پەن كەلىسىمنىڭ, ءوسىپ-وركەندەۋدىڭ بەلگىسى. سوندىقتان ولاردى قۇرمەتتەۋ, تۇمارداي ساقتاپ, قورعاۋ – ءار قازاقستاندىقتىڭ ابىرويلى مىندەتى.
قازاقستان تاۋەلسىزدىك العالى بەرى مارتەبەلى جيىندار مەن مەرەيلى جەڭىستەردە كوك بايراعىمىز بيىكتە جەلبىرەپ, ءانۇرانىمىز اسقاق شىرقالىپ كەلەدى. وسىلايشا, رامىزدەرىمىز ۇلتتى ۇيىستىرىپ, ازاماتتارىمىزدىڭ پاتريوتتىق سەزىمىن نىعايتاتىن ايرىقشا بەلگىلەرگە اينالدى.
قۇرمەتتى دوستار, بارشاڭىزدى اتاۋلى كۇنمەن قۇتتىقتاي وتىرىپ, ەگەمەن ەلىمىزدىڭ ەڭسەسى بيىك, رۋحى اسقاق, مەرەيى ۇستەم بولسىن دەپ تىلەيمىن!», - دەدى ول.
