كەنتاۋ قالالىق پوليتسيا بولىمىنە الدانعانىن ايتىپ ارىزدانعان جابىرلەنۋشىگە كەلتىرىلگەن شىعىننىڭ جالپى كولەمى 45 ميلليون تەڭگەدەن استى. كۇدىكتىنى انىقتاۋ ماقساتىندا, كەنتاۋ قالالىق پب-ءنىڭ قىزمەتكەرلەرى قاجەتتى ىزدەستىرۋ شارالارىنىڭ كەشەنىن جاساپ, ءتيىستى جۇمىستاردى اتقارعان. ناتيجەسىندە جەدەل-ىزدەستىرۋ ءىس-شاراسى بارىسىندا ءتارتىپ ساقشىلارى كۇدىكتىنى ۇستادى. ول جەرگىلىكتى تۇرعىن بولىپ شىقتى جانە ءوز كىناسىن تولىق مويىنداعان. انىقتالعانداي, ەر ادام جابىرلەنۋشىنىڭ سەنىمىنە كىرىپ, الاياقتىق جاساپ, ونىڭ مالىن الىپ كەتىپ ساتقان, ال اقشانى ءوز قاجەتتىلىگىنە جۇمساعان. اتالعان جايت قر قىلمىستىق كودەكسىنىڭ 190-بابى (الاياقتىق) بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى. تەرگەۋ امالدارى جۇرگىزىلۋدە, ال كۇدىكتى قاماۋعا الىنعان.
وسى ورايدا تۇركىستان وبلىسىنىڭ پوليتسەيلەرى تۇرعىندارعا قىراعى بولۋعا جانە بەيتانىس ادامدارعا ارتىق سەنىمسىزدىك كورسەتپەۋگە كەڭەس بەرەدى. سونداي-اق, كۇماندى قىزمەتتەردى ۇسىناتىن ءتۇرلى الاياقتارعا ءوز مۇلكىن سەنىپ تاپسىرۋدىڭ قاجەتى جوق ەكەنىن ەسكەرتەدى.
تۇركىستان وبلىسى
