القالى جيىندا اتالعان زاڭ جوباسىن مادەنيەت جانە سپورت ءمينيسترى اقتوتى رايىمقۇلوۆا تانىستىردى.
ونىڭ ايتۋىنشا, 2017 جىلى ۇكىمەت جارلىعىمەن ء«ساتتى جۇلدىز» اكتسيونەرلىك قوعامى لوتەرەيا وپەراتورى بولىپ 15 جىل مەرزىمگە انىقتالدى. لوتەرەيا وپەراتورىنىڭ قىزمەتكەرلەرىنىڭ سانى 748 ادامدى قۇرايدى. رەسپۋبليكا بويىنشا 3 مىڭعا جۋىق تاراتۋشىلار (اگەنتتەر) سانى شاعىن جانە ورتا كاسىپكەرلەردەن تۇرادى. ولارمەن كەلىسىم شارتتار نەگىزىندە جۇمىس جۇرگىزىلەدى, ياعني لوتەرەيا وپەراتورى لوتەرەيانىڭ دۇرىس جۇرگىزىلۋىنە جانە تاراتىلۋىنا تىكەلەي ءوزى جاۋاپ بەرەدى. سونداي-اق لوتەرەيا بيلەتتەرىن تاراتۋدى ءوزىنىڭ نەگىزگى قىزمەتتەرىمەن قاتار اتقاراتىن ءىرى ديستريبيۋتەرلەر بار. مىسالى, «قازپوچتا» اكتسيونەرلىك قوعامى جانە ءىرى سۋپەرماركەتتەر جەلىسى.
زاڭ جوباسىنا بىرقاتار وزگەرتۋلەر مەن تولىقتىرۋلار ەنگىزىلدى: اتاپ ايتقاندا, لوتەرەيا وپەراتورى بولىپ تابىلمايتىن تۇلعاعا لوتەرەيا ويىندارىن جۇرگىزگەنى ءۇشىن اكىمشىلىك جاۋاپكەرشىلىككە تارتۋ; كوميسسيالىق كەلىسىمشارت اياسىندا ورنالاستىرىلعان جارنامادان بولەك لوتەرەيا جارناماسىنا تىيىم سالۋ; لوتەرەيالاردى وتكىزۋ اۋماعىنا جانە تەحنولوگياسىنا, سونىمەن قاتار جۇلدە پۋلىن قالىپتاستىرۋ ادىسىنە بايلانىستى جىكتەۋدى, سونداي-اق ۋاكىلەتتى ورگان بەكىتكەن ەرەجەلەرمەن لوتەرەيا وتكىزۋ ءتارتىبىن, شارتتارى مەن ەرەكشەلىكتەرىن رەتتەۋ سياقتى نورمالار قاراستىرىلعان.
