پارلامەنت • 04 ماۋسىم، 2020

كەدەندىك باقىلاۋدان جالتارۋ فاكتىلەرىن انىقتاۋعا مۇمكىندىك بەرەتىن زاڭ قابىلداندى

13 رەت كورسەتىلدى

پارلامەنت سەناتىنىڭ جالپى وتىرىسىندا «ەۋرازيالىق ەكونوميكالىق وداق پەن قحر-دىڭ كەدەندىك شەكارالارى ارقىلى وتكىزىلەتىن تاۋارلار مەن حالىقارالىق تاسىمالدىڭ كولىك قۇرالدارى جونىندە اقپارات الماسۋ تۋرالى كەلىسىمدى راتيفيكاتسيالاۋ تۋرالى» زاڭى قابىلداندى.

اتالعان كەلىسىمگە 2019 جىلعى 6 ماۋسىمدا پەتەربۋرگ حالىقارالىق ەكونوميكالىق فورۋمىنىڭ اياسىندا ەۋرازيالىق ەكونوميكالىق كەڭەس القاسىنىڭ توراعاسى، وداققا مۇشە مەملەكەتتەردىڭ ۆيتسە-پرەمەرلەرى جانە قىتاي حالىق رەسپۋبليكاسىنىڭ سىرتقى ىستەر ءمينيسترى قول قويدى. بۇل تۋرالى قارجى ءمينيسترى ەرۇلان جاماۋباەۆ كەڭىنەن ايتىپ بەردى.

– كەلىسىمنىڭ ەرەجەلەرى اقپارات الماسۋدىڭ نەگىزگى كەزەڭدەرىن، تاراپتاردىڭ ءوزارا ءىس-قيمىل تەتىگىن جانە مالىمەتتەردىڭ كولەمى مەن قۇرامىنا قويىلاتىن تالاپتاردى رەتتەيدى. جەكە تۇلعالاردىڭ پايدالانۋىنا ارنالعان تاۋارلاردى قوسپاعاندا، سىرتقى ەكونوميكالىق قىزمەتكە قاتىسۋشىلاردىڭ ەكسپورتتىق جانە ترانزيتتىك دەكلاراتسيالارى بويىنشا ءوزارا دەرەكتەرمەن الماسۋ كوزدەلگەن. اقپارات الماسۋ ەۋرازيالىق ەكونوميكالىق وداقتىڭ ينتەگراتسيالانعان اقپاراتتىق جۇيەسى مەن قىتايدىڭ ۋاكىلەتتى ورگانىنىڭ ۇلتتىق اقپاراتتىق جۇيەسىن پايدالانا وتىرىپ، كولىكتىڭ بارلىق تۇرلەرى بويىنشا ەلەكتروندىق تۇردە جۇزەگە اسىرىلادى. كەلىسىم كۇشىنە ەنگەن كۇننەن باستاپ 18 ايدان كەشىكتىرمەي مالىمەتتىڭ قۇرىلىمىن، فورماتىن، سونداي-اق اقپارات الماسۋدىڭ تەحنيكالىق شارتتارىن انىقتايتىن جەكەلەگەن حاتتامالار قابىلدانادى. اتالعان حاتتامالار ەۋرازيالىق ەكونوميكالىق وداققا مۇشە مەملەكەتتەردىڭ ورتالىق كەدەن ورگاندارى مەن قىتاي حالىق رەسپۋبليكاسىنىڭ باس كەدەن باسقارماسى اراسىندا جاسالادى جانە ودان ءارى راتيفيكاتسيالاۋدى تالاپ ەتپەيدى، – دەدى مينيستر.

وسى كەلىسىم بويىنشا اقپارات الماسۋ كەدەندىك وپەراتسيالاردى جۇرگىزۋدى جەدەلدەتۋگە، الىنعان مالىمەتتەردى تاۋەكەلدەردى باسقارۋ جۇيەسىنىڭ تيىمدىلىگىن ارتتىرۋ ماقساتىندا قولدانۋعا جانە كەدەندىك باقىلاۋدان جالتارۋ فاكتىلەرىن انىقتاۋعا مۇمكىندىك بەرەدى. سونىمەن قاتار قاۋىپسىزدىكتى قامتاماسىز ەتۋ ماقساتىندا ەكى تاراپتىڭ كەدەندىك اۋماقتارىنا ىقتيمال قاۋىپتى، وتكىزۋگە تىيىم سالىنعان جانە شەكتەلگەن تاۋارلاردى اكەلۋگە بايلانىستى تاۋەكەلدەردى ازايتۋ كوزدەلىپ وتىر.

سوڭعى جاڭالىقتار

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:59

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار