«قوجا احمەت ياساۋي كەسەنەسىنىڭ الدىندا تۇرعان قازاقتىڭ حاندارى مەن بيلەرىن, يگى جاقسىلارىن سۋرەتتەپ شىقتىم. ادام بەينەسىن جاساۋ – اۋىر ءارى ۇلكەن جاۋاپكەرشىلىك. مەنىڭ ارمانىم – سۋرەتشى بولۋ. سوندىقتان ءوز تۋعان جەرىمدەگى بارشا قازاقتىڭ تۇلعالارى ەلىمىزگە اق باتالارىن بەرىپ تۇرعان ءساتىن سەزىنگىم كەلدى. كۇنى-ءتۇنى وسى كورىنىستى ارمانداپ, سۋرەتتەپ شىقتىم», دەيدى تۋعان جەرگە دەگەن ىستىق ىقىلاسىن ءوز ونەرىمەن بىلدىرگەن جاس سۋرەتشىنىڭ ءبىرى ەسىركەپ ءسابيت ۇلى.
سونىمەن قاتار تۇركىستان قالاسىنىڭ جاس دارىندارى سۋرەت سالۋدان شەبەرلىك ساباقتارىن جۇرگىزىپ, ەلىمىزدىڭ تۇكپىر-تۇكپىرىندەگى دوستارىنا ونلاين تۇردە تانىستىرىپ شىقتى. حالىقارالىق بالالاردى قورعاۋ كۇنى دەمالىس الاڭشاسىندا وتباسىمەن سەرۋەندەگەن جەرگىلىكتى تۇرعىندار مەن قالا قوناقتارى كورمەگە قويىلعان 50-گە جۋىق تۋىندىمەن تانىسىپ, العىستارىن ءبىلدىردى. «ازىرەت سۇلتان» مەملەكەتتىك تاريحي-مادەني قورىق-مۋزەيى بالالاردىڭ قىزىعۋشىلىعىن ارتتىرا وتىرىپ تانىمىن كەڭەيتۋ, شىعارماشىلىق قابىلەتتەرىن دامىتۋ باعىتىندا سۋرەتشىلەر سايىسى, بالالار كورمەسى, بالاباقشا جانە مەكتەپ وقۋشىلارىنا ارنالعان ەكسكۋرسيالار ۇيىمداستىرۋدى داستۇرگە اينالدىرعان. بيىل ەلىمىزدەگى پاندەمياعا وراي جاريالانعان ساقتىق شارالارىنا سايكەس كوپتەگەن ءىس-شارا ونلاين وتكىزىلدى.
تۇركىستان وبلىسى
