وبلىس اكىمى ومىرزاق شوكەەۆ سەرىستەستىك تىرشىلىگىمەن تانىسىپ, جاس ماماندارمەن جۇزەگە اسىرىلىپ جاتقان جۇمىستاردى وڭ باعالادى. «تۇركىستاننىڭ اينالاسىنا كانالدار قازىلىپ, سۋ كەلدى. جاڭبىرلاتىپ سۋارۋدىڭ تيىمدىلىگىن تۇسىنگەن شارۋالاردىڭ قاتارى كوبەيگەنى قۋانتادى. اپتاپ ىستىقتا ىرىسىن قارا جەردەن ىزدەگەن شارۋالار مەزگىلى جەتكەندە بەينەتىنىڭ زەينەتىن كورەدى. وسىلايشا ءبىز قالادا «ازىق-ت ۇلىك بەلدەۋىن» قالىپتاستىرامىز. جاپپاي جۇرگىزىلگەن «جاسىل بەلدەۋ» شاڭدى جەل مەن داۋىلدان قورعانۋ ءۇشىن تابيعي توسقاۋىل رەتىندە جاسالۋدا. جاسىل جەلەككە بولەنىپ, قالاداعى اۋانى تازارتىپ, كليماتتى جۇمسارتادى», دەدى شارۋالارمەن كەزدەسكەن وبلىس اكىمى.
ال «SPK-SAURAN» اشوك جاڭبىرلاتىپ سۋارۋ تەحنولوگياسىن 650 گا جەرگە ەندىرىپ, 10 مىڭ باسقا ارنالعان بورداقىلاۋ الاڭىن سالۋدى قولعا العان. وبلىستىق اۋىل شارۋاشىلىعى باسقارماسىنىڭ مالىمەتىنشە, جەرگىلىكتى شارۋالار اقىلداسا كەلە, اۋىل شارۋاشىلىعى كووپەراتيۆىن قۇرۋدا. ولار ارىق قازىپ, سۋ اكەلۋدىڭ ءتيىمسىز ەكەنىن ءتۇسىنىپ, اقش-تان جاڭبىرلاتىپ سۋارۋ قوندىرعىسىن الدىرتىپ جاتىر. ارىس – تۇركىستان كانالى ارقىلى سۋ بىرنەشە جۇيەمەن كەلەدى. ۇلكەن باسسەين سالىنىپ, قوندىرعىلارعا قۇبىر ارقىلى سۋ قۇيىلىپ تۇرادى. وسىلايشا اگرونومدار سۋدى 3 ەسە ۇنەمدەيدى. تەحنيكا قۇنىنىڭ 50%-ىن مەملەكەت سۋبسيديا رەتىندە تولەپ بەرەدى. كەشەندى جوسپار بويىنشا قالا ماڭىندا 63 ملرد تەڭگەنىڭ 7 ءىرى ينۆەستيتسيالىق جوباسى جۇزەگە اسىرىلادى.
تۇركىستان وبلىسى
