قوعام • 03 ماۋسىم، 2020

ب.ساعىنتاەۆ: الماتىنىڭ بارلىق اۋدانىندا ءومىر ساپاسى جوعارى بولۋى ءتيىس

33 رەت كورسەتىلدى

الماتى قالاسىنىڭ اكىمى باقىتجان ساعىنتاەۆ الاتاۋ اۋدانى تۇرعىندارىنىڭ ماسەلەلەرى قالاي شەشىلىپ جاتقانىن تەكسەردى.

شاھار باسشىسى مەگاپوليستىڭ بارلىق اۋداندارىندا ءومىر ءسۇرۋدىڭ بىردەي جاعدايىن جاساۋدى تاپسىردى

بۇگىن الماتىنىڭ اكىمى جۇمىس ساپارى بارىسىندا وتكەن جىلعى ەسەپتىك كەزدەسۋلەردە الاتاۋ اۋدانى تۇرعاندارى ايتقان ماسەلەلەردىڭ قالاي شەشىلىپ جاتقانىن تەكسەردى. ويتكەنى، وسى اۋدانداعى جولداردىڭ، تروتۋارلاردىڭ، ارىقتاردىڭ، جارىقتىڭ، كوممۋنالدىق جەلىلەردىڭ جوقتىعى ءسوز بولعان ەدى. سونىمەن قاتار ب.ساعىنتاەۆ اۋداننىڭ ينفراقۇرىلىمىن جاسقارتۋ جونىندەگى جوبالاردى ىسكە اسىرۋ بارىسىمەن تانىستى.

الماتى اكىمى ۇلجان ىقشاماۋدانىنداعى كارىزدىك ناسوس ستانتسياسىنىڭ قۇرىلىسىن جانە وسى ىقشاماۋدانداعى جالايىر كوشەسىندەگى جولدىڭ جوندەلۋ بارىسىن كوردى. جول كەڭەيەدى، تروتۋارلار مەن ارىق جەلىلەرى سالىنادى، ال مەكتەپ پەن بالا باقشا جانىنان جىلدامدىق رەجيمىن ازايتۋ ءۇشىن جاساندى كەدەرگىلەر جاسالاتىن بولادى. قالا اكىمى ورىنباسارلارعا جانە ءتيىستى باسقارما باسشىلارىنا جاسالىپ جاتقان جۇمىستاردىڭ ساپاسىن ءجىتى قاداعالاۋدى تاپسىردى.

«قالانىڭ كەز كەلگەن ىقشاماۋدانىنداعى ءومىر ءسۇرۋ ساپاسى بىردەي ءارى جوعارى دەڭگەيدە بولۋى ءتيىس. ءبىز بۇل مىندەتتى «جاڭا الماتى» كەشەندى جوسپارى اياسىندا مەملەكەت باسشىسى ايتقان «شەتسىز قالا» قاعيداتىنا ساي شەشۋدەمىز»، - دەپ اتاپ ءوتتى ب. ساعىنتاەۆ.

قازىر الاتاۋ اۋدانىندا ينفراقۇرىلىمدى جاقسارتۋ بويىنشا جۇمىستار جۇرۋدە. شاپاعات، قاراسۋ، العاباس، وجەت، سامعاۋ، اقبۇلاق سىندى التى ىقشاماۋدانداردا سۋ جانە كارىز قۇبىرلارى سالىنۋدا. ولاردىڭ جالپى ۇزىندىعى – 205،4 شاقىرىم، ونىڭ 111،41 شاقىرىمى سۋمەن قامتۋ جەلىسى، 93،99 شاقىرىمى سۋدان بولەتىن قۇبىرلار.

3

«كوك كاينار»،«توميريس»، شاڭىراق-2، ۇلجان-1 ىقشاماۋداندارىندا سالىنعان كارىزدىك جەلىلەردى ىسكە قوسۋ ءۇشىن 17 كارىزدىك ناسوس ستانتسيالارىنىڭ قۇرىلىستارى جۇرۋدە. ولاردى اعىمداعى جىلدىڭ ءىى جارتىسىندا اياقتاۋ جوسپارلانعان. «شاڭىراق-1»، «تەرەكتى»، «راحات-مادەنيەت» ىقشاماۋداندارىندا ينجەنەرلىك جەلىلەر سالۋ ءۇشىن جسق ازىرلەنۋدە.

وتكەن جىلى 13 ىقشاماۋداندا جاڭا جولداردىڭ قۇرىلىستارى باستالعان ەدى. ونىڭ ىشىندە «قاراسۋ»، «اقبۇلاق»، «كوك قاينار» «سايالى-2» سىندى ءتورت ىقشاماۋدانداعى ۇزىندىعى 32،7 شاقىرىم جولدار پايدالانۋعا بەرىلدى. اعىمداعى جىلى «ۇلجان-2»، «العاباس-ازتم»، «توميريس»، «ۇلجان-1»، «شاڭىراق-2»، «شاڭىراك-1»، «دارحان-بايبەسىك»، «ايگەرىم-1»، «ايگەرىم-2» سىندى جەتى ىقشاماۋدانداعى جالپى ۇزىندىعى 84 شاقىرىم بولاتىن جولداردىڭ قۇرىلىسى بيىلعى جىلى اياقتالادى. بۇلاردان وزگە، «شاڭىراق-2»،«ازتم-العاباس»، «توميريس»، «بورالداي»، «ۇلجان-1»، «ۇلجان-2»، «كوك-قاينار»، «قاراسۋ»، «وجەت» سىندى سەگىز ىقشاماۋدانداعى 67،4 شاقىرىم جولداردا اعىمداعى جوندەۋ جۇمىستارى جۇرۋدە.

ب.ساعىنتاەۆ «الاتاۋ سيتي» تك قۇرىلىس الاڭىندا بولدى، مۇندا ورتا ساناتتاعىلار ءۇشىن قولجەتىمدى باسپانا سالىنۋدا، ونىڭ ىشىندە يپوتەكالىق نەسيە باعدارلاماسى بويىنشا. «نۇرلى جەر» باعدارلاماسى اياسىندا قالا تاراپىنان كوممۋنيكاتسيا جۇرگىزىلدى.

ءوز كەزەگىندە، قۇرىلىستى جۇرگىزۋشى ءمجا اياسىندا 350 ورىندى بالا باقشا سالاتىن بولادى. وسىلايشا، الماتى اكىمى ب. ساعىنتاەۆتىڭ قولجەتىمدى الەۋمەتتىك ينفراقۇرىلىم قۇرۋ جونىندەگى تاپسىرماسى وڭ شەشىمىن تابۋدا.

«جۇمىسپەن قامتۋدىڭ جول كارتاسى» بويىنشا الاتاۋ اۋدانىندا ءۇش جاسىل اۋماققا، ءۇش سكۆەر مەن التى جۇرگىنشى ايماعىنا جوندەۋ جۇمىستارى جۇرگىزىلەدى. بۇلاردان وزگە، كوپقاباتتى ۇيلەردىڭ شاتىرلارى جوندەلىپ، 23 اۋلا، 18 بالا باقشا رەتكە كەلتىرىلەدى. بارلىق نىسانداردا 2070 جۇمىس ورىندارى قۇرىلادى.

قالا اكىمى جۇمىس ساپارى بارىسىندا اتقارىلعان جۇمىستار مەن قوعامدىق كەڭىستىكتى جوندەۋ ءۇشىن قولدانىلعان ماتەريالداردىڭ ساپاسىن دا تەكسەردى. ونىڭ ىشىندە، رىسقۇلوۆ داڭعىلى بويىنان مومىش ۇلى كوشەسىنەن وڭعارسىنوۆا كوشەسىنە دەيىنگى جاسىل ايماق، ۇاك بويىنان مومىش ۇلى كوشەسىنەن سولتۇستىك اينالىمعا دەيىنگى اۋماق تەكسەرىلدى. ۇاك بويىنداعى سكۆەرگە جانە «الاتاۋ» ءداستۇرلى ونەر تەاترى الدىنداعى الاڭعا جوندەۋ جۇمىستارى جۇرگىزىلۋدە. «قاراسۋ» ىقشاماۋدانىندا جاڭا رەكرەاتسيالىق ايماقتىڭ قۇرىلىسى جۇرۋدە، مۇندا ەلدى مەكەنگە جاقىن ورنالاسقان وزەن ارنالارى جاسىلداندىرىلادى. وسىناۋ قوعامدىق ورىندار جاسىلداندىرۋ ارقاسىندا كوپشىلىك تىنىعاتىن ورىندارعا، بالالاردىڭ ويىن جانە سپورت الاڭدارىنا اينالادى.

3

«بۇل جوبالاردى ىسكە اسىرۋ اۋدان ءومىرىن جاقسارتادى، كەڭىستىكتى جۇمىس ىستەۋگە، تىنىعۋعا، وقۋعا بارىنشا جايلى ەتەدى. جاڭا تىنىعاتىن ورىندار پايدا بولادى»، - دەپ اتاپ ءوتتى ب. ساعىنتاەۆ جانە بوس ورىنداردى بارىنشا جاسىلداندىرۋدى، اعاشتاردىڭ بەرىك سۇرىپتارىن وتىرعىزۋدى تاپسىردى. ويتكەنى، اۋدان جاسىل جەلەك سانى جاعىنان قالادا سوڭعى ورىندا.

جۇمىس ساپارى بارىسىندا ب.ساعىنتاەۆ «ماسلودەل» زاۋىتىندا بولىپ، جاڭا سانيتارلىق ەرەجەلەرگە ساي وندىرىستىك تسيكلدارمەن جانە جۇمىس ءۇردىسىن ۇيىمداستىرۋدى كوردى. بۇلاردان وزگە، قالا اكىمى جاڭا مەشىتتىڭ قۇرىلىسىمەن بىرگە، Almaty Creative Hub جاڭا بۋىنىن قالىپتاستىراتىن مادەني ورتالىقتىڭ جوباسىمەن تانىستى.

3

3

5

 

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار