رەسەي فەدەراتسياسىنىڭ پرەزيدەنتى ۆلاديمير ءپۋتيندى نوبەل سىيلىعىنا ۇسىنعان رەسەي مەملەكەتتىك دۋماسىنىڭ دەپۋتاتتارىن ۆەنەسۋەلا پرەزيدەنتى نيكولاس مادۋرو قولدادى. نيكولاس مادۋرو سيرياعا تونگەن سىرتقى شابۋىلدىڭ بەتىن قايتارۋعا ۇلكەن ىقپال جاساپ, الەمدى ىقتيمال سوعىس ورتىنەن قۇتقارىپ قالعان ۆ.پۋتينگە نوبەل سىيلىعى بەرىلۋى ءتيىس دەپ ەسەپتەيدى. بۇل تۋرالى «Life News» سايتى حابارلادى.
نيكولاس مادۋرو: «قازىرگى تاڭدا نوبەل سىيلىعىن الۋعا لايىقتى بىردەن-ءبىر تۇلعا ۆلاديمير پۋتين. ول سيريا حالقىنا تونگەن سوعىستى توقتاتۋعا زور كومەگىن تيگىزدى», – دەدى.
ۆ.ءپۋتيندى اتالمىش مارتەبەلى سىيلىققا 2013 جىلدىڭ 16 قىركۇيەگىندە رەسەي مەملەكەتتىك دۋماسى ۇسىنعان. جالپى, اتالعان باستاما رەسەيدىڭ حالىقارالىق رۋحاني بىرلىك جانە ىنتىماقتاستىق اكادەمياسى تاراپىنان كوتەرىلگەن.
بۇگىنگە دەيىن نوبەل سىيلىعىنا ۇمىتكەر رەتىندە 259 ادام تىركەلىپتى. بۇل رەكوردتىق كورسەتكىش كورىنەدى.
جولدىباي بازار.
