شىن مانىندە, ول – عالامات باپكەر ەدى. ماسكەۋدىڭ تۋماسى 1977-1992 جىلدار ارالىعىندا كەڭەس وداعى قۇراماسىنىڭ باس باپكەرى قىزمەتىن ابىرويلى اتقاردى. سول كەزدەرى ايتۋلى كوماندا ءوزى قاتىسقان جارىستاردى تەگىستەي ۇتىپ ءجۇردى. ولاردىڭ سۇرىنگەن كەزدەرى تىم سيرەك.
ناقتى مالىمەتتەرگە سۇيەنسەك, ءۇش مارتە وليمپيا ويىندارىنىڭ جانە سەگىز رەت الەم چەمپيوناتىنىڭ جەڭىمپازى اتاندى. ونىڭ سىرتىندا كۇمىس پەن قولا مەدالدار تاعى بار. ماسكەۋدىڭ تسسكا كلۋبى ىشكى بىرىنشىلىكتە 12 رەت توپ جارىپ, حالىقارالىق دودالالاردا قارسىلاس شاق كەلتىرمەدى. 1978-1990 جىلدارى ارمياشىلاردان جاساقتالعان كوماندا قاتارىنان 13 مارتە ەۋروپا چەمپيوندار كۋبوگىن ولجالادى.
تيحونوۆتىڭ تۇسىندا كسرو-نىڭ قىراندارى ۇلتتىق حوككەي ليگاسىندا (ۇحل) ونەر كورسەتەتىن ويىنشىلاردان الدەقايدا مىقتى بولعانىن ەشكىم جوققا شىعارا المايدى. سول سەبەپتى دە الەمدەگى ەڭ ۇزدىك باپكەرلەردىڭ ءبىرى ءارى بىرەگەيى رەتىندە ايتۋلى ازاماتتىڭ ەسىمى سپورتتىق شەجىرەگە التىن ارىپتەرمەن جازىلدى.
داڭقتى باپكەر 2014 جىلدىڭ 24 قاراشاسىندا 85 جاسقا قاراعان شاعىندا جارىق دۇنيەمەن قوش ايتىستى.
