قۇقىق قورعاۋ ورگاندارى بۇرىنعى ءبىلىم جانە عىلىم ءمينيسترى باقىتجان جۇماعۇلوۆتى ىزدەستىرىپ جاتقانى تۋرالى اقپارات جالعان بولىپ شىقتى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ رەسمي وكىلى مۇرات جۇمانباي مالىمدەدى.
«ال بۇرىنعى ۆيتسە-مينيستر سايات شاياحمەتوۆكە قاتىستى ءىس ءالى تەكسەرىلىپ جاتىر. ساراپتاما جۇرگىزىلىپ, سونىڭ ناتيجەسى بويىنشا پروتسەسسۋالدىق شەشىم قابىلدانادى», - دەدى ول. وعان قارسى 2013 جىلدىڭ 29 ساۋىرىندە ءىس قوزعالعان بولاتىن. ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى بۇرىنعى ۆيتسە-ءمينيستردىڭ وسكەمەندە 700 ورىندىق ءبىلىم بەرەتىن مەكەمەنى سالۋ كەزىندە بيۋدجەتتەن ۇرلانعان 1,5 ملرد. تەڭگەگە قاتىسى بار دەپ تاپتى. ال 14 مامىردا بۇل قىلمىسقا قاتىسى بار دەگەن ايىپپەن سايات شاياحمەتوۆ پەن «قر سوعىلىپ جاتقان ءبىلىم جانە عىلىم نىساندارى ديرەكتسياسى» جشس باس ديرەكتورى پاك ۇستالدى.
مەكەمەنىڭ دەرەكتەرىنە سۇيەنسەك, 17 مامىردا شاياحمەتوۆ سوتتىڭ شەشىمىمەن ءۇي قاماۋىنا الىنعان, ال پاك بىردەن قاپاسقا وتىرعىزىلعان.
قۇرىش نۇرىمبەت.
