ۇلتتىق بانكتى باسقارۋعا قايرات كەلىمبەتوۆتىڭ كەلۋىمەن تەڭگە قۇنسىزدانا ما؟ NUR.KZ سايتى بۇگىن وسىنداي ريتوريكالىق سۇراقپەن اشىلدى.
«ۇلتتىق بانكتىڭ جاڭا توراعاسىنىڭ العاشقى جۇمىس كۇنىندە ەلىمىزدەگى ايىرباس باعامدارى اسا ۇلكەن وزگەرىسكە تۇسكەن جوق. الايدا, ەكونوميستەر قايرات كەلىمبەتوۆ تەڭگەنى دەۆالۆاتسياعا ۇشىراتىپ, دوللاردى شارىقتاتادى دەپ بولجام جاساپ ۇلگەردى. دەگەنمەن, دەۆالۆاتسيانىڭ قاي ۋاقىتتا بولاتىنى تۋرالى ولاردىڭ پىكىرى ەكى بولەك. ال, بۇعان دەيىن قازاقستان ەكونوميكاسىن ءار تاراپتاندىرۋ ءۇشىن «كلاستەر, 30 كورپوراتيۆتى كوشباسشى, ۇدەمەلى يننوۆاتسيالىق دامۋ» سياقتى اتى باسقا, مازمۇنى ۇقساس باعدارلامالاردى ءجيى ايتىپ جۇرگەن قايرات نەمات ۇلىنان وراز جاندوسوۆ ۇلكەن وزگەرىس كۇتەدى», - دەپ وي تارقاتادى پورتال ودان ءارى.
ۇلتتىق بانكتى بەس جىل باسقارعان گريگوري مارچەنكونىڭ تاعايىندالا سالا تەڭگەنى ءبىر-اق كۇندە دەۆالۆاتسياعا ۇشىراتقانىن جۇرت ءالى ۇمىتا قويعان جوق. ول جازعان سوندا دا «دوللار شارىقتامايدى» دەگەندى جاعى تالعانشا توقتاماي ايتىپ كەلدى. بىراق, مارچەنكونى تىڭداعان دوللار بولعان جوق, اقش-تىڭ ايتۋلى ۆالبتاسى ءساۋىر ايىنان بەرى وسۋمەن كەلەدى. ۇلتتىق بانكتىڭ ستاتيستيكاسى بويىنشا, كوكتەمنەن بەرى كوك قاعاز 150-دەن 154 تەڭگەگە دەيىن كوتەرىلىپ كەتكەن كورىنەدى.
سول سەبەپتى ەنەرگەتيكا جانە ەكونوميكا مينيسترلىگىندە حاتشى قىزمەتىن اتقارعان پەتر سۆويك حالىق تەڭگەنىڭ قۇنسىزدانۋىنا ازىرلەنە بەرسىن دەگەن بولجام ايتادى. ياعني, كەلىمبەتوۆ تە مارچەنكو سەكىلدى ءوز جۇمىسىن دوللاردى وسىرۋدەن باستايدى دەپ وتىر.
«مەن تەڭگە ءبىر كۇندە دەۆالۆاتسياعا ۇشىرايدى دەپ ايتا المايمىن. بىراق, بايقاساڭىزدار جايلاپ قۇنسىزدانىپ جاتىر. ءبىر دوللار 147 تەڭگە بولدى, سوسىن 150, قازىر 154-كە كوتەرىلدى. اقىرىنداپ 170 تەڭگەگە دەيىن شارىقتاۋى مۇمكىن. ەگەر تەڭگەنى بىردەن قۇنسىزداندىرىپ جىبەرسە, ەكونوميكامىزدىڭ وزىنە سوققى بولۋى مۇمكىن», - دەيدى ەكونوميست پەتر سۆويك.
كەدەندىك وداقتىڭ جۇمىسىنا بەلسەنە ارالاسقان, ەكونوميكا جانە بيۋدجەتتى جوسپارلاۋ ءمينيسترى, ۆيتسە-پرەمەر بولعان قايرات كەلىمبەتوۆتىڭ ۇلتتىق بانكتە اتقاراتىن جۇمىسى شاش ەتەكتەن دەيدى ماماندار. ينفلياتسيانىڭ جوعارى بولۋى, داعدارىستان بەرى ءالى قالىپقا تۇسپەگەن بانك جۇيەسى, حالىقتىڭ تەڭگەگە دەگەن سەنىمسىزدىگىن جويۋ جاڭا باس بانكيردىڭ قۇلشىنا شەشەتىن ماسەلەلەرى بولماق.
ۇلتتىق بانكتى باسقارعان, بۇرىنعى قارجى ءمينيسترى وراز جاندوسوۆ جاڭا باسشى وسى مىندەتتەردى اتقارسا, ابىرويعا بولەنەدى دەپ وتىر. ال تەڭگەنىڭ قۇنسىزدانۋىنا ەكونوميست كۇدىكپەن قارايدى...
«مەن ۇلكەن دەۆالۆاتسيا بولادى دەپ ويلامايمىن. ويتكەنى, تەڭگە - مۇناي ۆاليۋتاسى. ياعني, مۇناي باعاسى وزگەرمەسە, تەڭگە قۇنسىزدانىپ, دوللار شارىقتايدى دەپ ايتا المايمىن», - دەدى ەكونوميست وراز جاندوسوۆ.
ال 45 جاستاعى قايرات كەلىمبەتوۆتىڭ ۇلتتىق بانككە كەلۋىن حالىق جىلى قابىلداپ جاتىر. ءبىلىمدى ەكونوميست قارجى جۇيەسى مەن ۇلتتىق بانك جۇمىسىن جاقسارتۋعا ءوزىنىڭ لايىقتى ۇلەسىن قوسادى دەگەن پىكىردە.
ال عالامتوردا كەلىمبەتوۆكە قاتىستى حالىق پىكىرى ەكىگە جارىلعان. ءبىرى - وعان رەفورماتور رەتىندە باعا بەرسە, بىرەۋلەرى ونىڭ «دەمتاڭداۋدان» كەتكەنىن, ەكونوميكا ءارتاراپتاندىرۋ تۋرالى ويلارى ىستەن گورى ءسوزى كوپ دەگەن ۇستانىمدا.
دەگەنمەن, جۇرتشىلىق ايىرباس باعامىنىڭ بەلگىلى دالىزدە بولۋىن, ۇستەمەنىڭ نەسيەدە ازايىپ, دەپوزيتتە كوپ بولاتىن تەتىگىن تاپسا دەگەن تىلەككە ۇمىتتەرىن جالعاپ وتىر.
ساكەن مايلىباي.
