«اۋىل شارۋاشىلىعىنىڭ جالپى ءونىم كولەمى وتكەن جىلعا قاراعاندا 0,9 پايىزعا ارتىپ, 5,2 ترلن تەڭگەنى قۇرادى. بۇل رەتتە, مال شارۋاشىلىعى ونىمدەرىن ءوندىرۋ كولەمى 4 پايىزعا ارتسا, وسىمدىك شارۋاشىلىعى بويىنشا, قولايسىز اۋىل شارۋاشىلىعى جاعدايلارىنا بايلانىستى, 1,7 پايىزعا تومەندەدى. 2019 جىلى سالاعا 501,6 ملرد تەڭگە ينۆەستيتسيا تارتىلدى, بۇل وتكەن جىلدىڭ دەڭگەيىنەن 41 پايىزعا جوعارى. 2019 جىلدىڭ اۋىل شارۋاشىلىعىنداعى ەڭبەك ونىمدىلىگى ءبىر جۇمىسكەرگە شاققاندا 2,4 ملن تەڭگەنى قۇراپ, وتكەن جىلدىڭ دەڭگەيىنەن 14 پايىزعا كوپ. 2019 جىلى اۋىسپالى ەگىستى ساقتاي وتىرىپ, رەنتابەلدىلىگى جوعارى داقىلدار الاڭىن ۇلعايتۋ ماقساتىندا مايلى جانە بۇرشاقتى داقىلدار ەگىستەرى ارتتى, مىسالى زىعىر الاڭى 18,2 پايىزعا, سويا الاڭى 10,7 پايىزعا, كوكونىس-باقشا داقىلدارى الاڭى 4,7 پايىزعا ۇلعايتىلدى. جۇرگىزىلگەن ناتيجەلەردىڭ ارقاسىندا بيداي الاڭدارى مونوداقىل رەتىندە 11,3 ملن گەكتارعا قىسقارتىلدى», - دەدى ول.
