ايماقتار • 03 ماۋسىم، 2020

«جاڭا كاسىپتەر اتلاسى» جوباسىنا قولداۋ كورسەتىلەدى

30 رەت كورسەتىلدى

قازاقستان رەسپۋبليكاسىنىڭ كاسىپوداقتار فەدەراتسياسى (كركف) «جاڭا كاسىپتەردىڭ اتلاسى» جوباسى بويىنشا زەرتتەۋلەرگە قولداۋ كورسەتەتىن بولادى. بۇل تۋرالى فەدەراتسيانىڭ  ورتالىق كەڭسەسىندە كاسىپوداقتار فەدەراتسياسىنىڭ توراعاسى ساتىبالدى داۋلەتالين مەن اتالمىش جوبا جەتەكشىسى BTS Education كومپانياسىنىڭ باس ديرەكتورى ساياسات نۇربەك ۋاعدالاستىققا قول جەتكىزدى.

قازاقستان رەسپۋبليكاسى كاسىپوداقتار فەدەراتسياسىنىڭ توراعاسى ساتىبالدى داۋلەتالين ەلىمىزدەگى ءوندىرىس پروتسەستەرىنە جاڭا تەحنولوگيالاردىڭ ەنگىزىلۋىنە بايلانىستى جۇمىس ورىندارى قىسقارۋى مۇمكىن. وسى ورايدا، «جاڭا كاسىپتەر اتلاسى» جوباسىنىڭ ماڭىزى زور دەپ اتاپ ءوتتى.

قازىرگى تاڭدا مۇناي باعاسىنىڭ قۇلدىراۋى جانە كوروناۆيرۋس پاندەمياسى كەسىرىنەن  تۋىنداعان ەكونوميكالىق قيىندىقتار ەتەك الۋدا. حالىقارالىق ەڭبەك ۇيىمىنىڭ (حەۇ) زەرتتەۋلەرىنە قاراعاندا، COVID-19 تۋىنداعان ەكونوميكا مەن ەڭبەك نارىعىنداعى داعدارىس الەم بويىنشا  شامامەن 25 ميلليون ادامنىڭ  جۇمىسسىز قالۋىنا الىپ كەلۋى  مۇمكىن دەلىنۋدە.

«جاڭا كاسىپتەر اتلاسى» جوباسىنىڭ دامۋى تۋرالى بايانداعان ساياسات نۇربەك مىرزا، قركف - قازاقستانداعى ەڭبەك نارىعىنا قاتىسى بار ەڭ ءىرى قوعامدىق ۇيىم، سول سەبەپتى جوبا باستاماشىلارى ەكونوميكانىڭ نەگىزگى توعىز سالاسىنا جۇرگىزىپ، بولاشاقتا قازاقستاننىڭ ەڭبەك نارىعىندا سۇرانىسقا يە جاڭا ماماندىقتاردى بولجادى. وسى ورايدا، قازاقستان رەسپۋبليكاسى كاسىپوداقتار فەدەراتسياسىنىڭ باستاۋىش جانە سالالىق كاسىپوداق بىرلەستىكتەرى جان-جاقتى زەرتتەۋ جۇرگىزۋگە قولداۋ ءبىلدىرىپ، ەڭبەك نارىعىنداعى ماماندىقتارعا دەگەن ناقتى سۇرانىستى كورسەتىپ بەرەدى دەدى.

ءسوز سوڭىندا، قركف توراعاسى ساتىبالدى داۋلەتالين كاسىپوداقتاردىڭ بۇنداي جوبادان تىس قالا المايتىنىن اتاپ ءوتىپ: «بۇل جوبا الەۋمەتتىك ارىپتەستەرگە ۋاقىت وتكەن سايىن سىرتقى جانە ىشكى الەۋمەتتىك-ەكونوميكالىق فاكتورلاردى ەسكەرە وتىرىپ، ەڭبەك نارىعى قالاي وزگەرەتىنىن جانە جاڭا ماماندىقتارعا جۇمىسشىلاردى قايتا دايارلاۋ ءۇشىن قاجەتتى بازانى قالاي قۇرۋعا بولاتىندىعىن بولجاۋعا كومەكتەسەدى. جۇمىس ورىندارىن ساقتاۋ جانە جاڭالارىن قۇرۋ كاسىپوداقتار جۇمىسىنداعى ماڭىزدى باسىمدىق بولىپ تابىلادى» دەدى.

كەزدەسۋدەن كەيىن قازاقستان رەسپۋبليكاسى كاسىپوداقتار فەدەراتسياسىنىڭ توراعاسى بارلىق ەنشىلەس كاسىپوداق ۇيىمدارى «جاڭا كاسىپتەردىڭ اتلاسى» جوباسىن زەرتتەۋدى جۇزەگە اسىرۋعا قوسىلاتىنىن اتاپ ءوتتى.

 

سوڭعى جاڭالىقتار

قحل اڭىزدارىنىڭ قاتارىندا

حوككەي • بۇگىن، 07:56

«اباي اندەرى» اسقاقتايدى

اباي • بۇگىن، 07:46

وڭىرلەردەگى جاعداي باقىلاۋدا

ۇكىمەت • بۇگىن، 07:37

قوعامدا سەنىم پايدا بولدى

قوعام • بۇگىن، 07:16

قاجەت سوزدەر ۋاقىتىندا ايتىلدى

رۋحانيات • بۇگىن، 07:10

ءموبيلدى توپ باقىلايدى

ايماقتار • بۇگىن، 07:03

ۇپايدان شاشاۋ شىقپايدى

تەننيس • بۇگىن، 07:01

كوڭىلگە مەدەۋ بولعان ۇندەۋ

قوعام • بۇگىن، 06:59

انتيبيوتيك كەرى اسەر ەتۋى مۇمكىن

مەديتسينا • بۇگىن، 06:57

COVID-19: كۇرەس شارالارىنا قارجى ءبولىندى

كوروناۆيرۋس • بۇگىن، 06:45

بەيقامدىقتان ارىلار ەمەس

قوعام • بۇگىن، 06:39

ءوندىرىس كولەمىن 5 ەسەگە ارتتىردى

تەحنولوگيا • بۇگىن، 06:36

ەرەكشە دارىن يەسى ەدى

رۋحانيات • بۇگىن، 06:35

ساقتىقتا قورلىق جوق

كوروناۆيرۋس • بۇگىن، 06:30

ۇقساس جاڭالىقتار