شاراينا
اقش پەن وڭتۇستىك كورەيا سولتۇستىككورەيالىق يادرولىق قاتەرگە تەجەۋ سالۋ تۋرالى كەلىسىمگە قول قويدى. قۇجاتتا كورەيا تۇبەگىندە كۇتپەگەن وقيعا بولا قالعان جاعدايداعى ءىس-قيمىلدار جوسپارى كورسەتىلگەن.
سولتۇستىك كورەيانىڭ يادرولىق جانە باسقا دا جاپپاي قىرىپ-جوياتىن قارۋلار قولدانۋىنا تەجەۋ سالۋدىڭ ارنايى ستراتەگياسى اتتى قۇجاتقا سەۋلدە وتكەن قاۋىپسىزدىك جونىندەگى كەزەكتى كەزدەسۋ قورىتىندىسىندا ەكى ەلدىڭ قورعانىس مينيسترلەرى قول قويعان. ال كورەيانىڭ ەڭبەك پارتياسىنىڭ باسشىلىعى بۇل كەلىسىمدى قىلمىستىق قۇجات دەپ باعالاپ, ول كۇشىندە تۇرعاندا ەكى كورەيا اراسىنداعى قارىم-قاتىناستاردا قانداي دا ءبىر العا باسۋدى كۇتۋگە بولمايتىنىن اتاپ كورسەتكەن.
شاراينا
اقش پەن وڭتۇستىك كورەيا سولتۇستىككورەيالىق يادرولىق قاتەرگە تەجەۋ سالۋ تۋرالى كەلىسىمگە قول قويدى. قۇجاتتا كورەيا تۇبەگىندە كۇتپەگەن وقيعا بولا قالعان جاعدايداعى ءىس-قيمىلدار جوسپارى كورسەتىلگەن.
سولتۇستىك كورەيانىڭ يادرولىق جانە باسقا دا جاپپاي قىرىپ-جوياتىن قارۋلار قولدانۋىنا تەجەۋ سالۋدىڭ ارنايى ستراتەگياسى اتتى قۇجاتقا سەۋلدە وتكەن قاۋىپسىزدىك جونىندەگى كەزەكتى كەزدەسۋ قورىتىندىسىندا ەكى ەلدىڭ قورعانىس مينيسترلەرى قول قويعان. ال كورەيانىڭ ەڭبەك پارتياسىنىڭ باسشىلىعى بۇل كەلىسىمدى قىلمىستىق قۇجات دەپ باعالاپ, ول كۇشىندە تۇرعاندا ەكى كورەيا اراسىنداعى قارىم-قاتىناستاردا قانداي دا ءبىر العا باسۋدى كۇتۋگە بولمايتىنىن اتاپ كورسەتكەن.
ليۆيا تۇرمەلەرىندەگى ازاپتاۋلار تىيىلار ەمەس
2011 جىلى مۋاممار كاددافي رەجىمى قۇلاتىلعاننان كەيىن ليۆيا تۇرمەلەرىندە كەم دەگەندە 27 ادامنىڭ ازاپتاپ ولتىرىلگەنى بەلگىلى بولىپ وتىر. بۇل تۋرالى بۇۇ-نىڭ ليۆيانى قولداۋ جونىندەگى ميسسياسى مەن بۇۇ-نىڭ ادام قۇقىقتارى جونىندەگى جوعارعى كوميسسارى ءوفيسىنىڭ بىرلەسكەن بايانداماسىندا حابارلانعان.
باياندامادا ەل باسشىلىعىنىڭ پەنيتەنتسيارلىق جۇيەنىڭ قالىپتى جۇمىسىن جولعا قويۋعا تالپىنىس جاساۋىنا قاراماستان, جەرگىلىكتى تۇرمەلەردە قاماۋدا وتىرعانداردى ازاپتاۋ جاعدايلارىنىڭ كەڭ تاراپ كەتكەندىگى اتاپ كورسەتىلگەن. مۇنداي جاعدايدىڭ ورىن الۋىنىڭ باستى سەبەبى, ليۆياداعى كوپتەگەن تۇرمەلەردىڭ ءفورمالدى تۇردە ۇكىمەت باقىلاۋىندا دەپ ەسەپتەلگەنىمەن, ءىس جۇزىندە ولاردى بۇرىنعى جانجالداردان كەيىن قالعان قارۋلى توپتاردىڭ باسقاراتىندىعىندا بولىپ وتىر.
پوليتسيا مۋرسي جاقتاستارىن قۋىپ تاراتتى
ەگيپەتتە پوليتسيا «مۇسىلمان باۋىرلاردىڭ» ەل استاناسىنداعى تاحرير الاڭىن باسىپ الماق بولعان تالپىنىسىنىڭ جولىن كەستى.
جەرگىلىكتى باق-تاردىڭ حابارلاۋىنشا, يسلاميستەردىڭ شاعىن توبى الدىمەن تاياۋ ورنالاسقان كوشەلەرگە جينالىپ ۇكىمەتكە قارسى ۇراندار كوتەرىپ, ۇيلەردىڭ قابىرعالارى مەن دۇكەندەردىڭ ۆيترينالارىنا جازۋلار جازا باستاعان. بىراق بۇل ارەكەت جەرگىلىكتى تۇرعىندار مەن ساتۋشىلارعا ۇناماي قالىپ, ولاردىڭ اراسىنداعى كەلىسپەۋشىلىكتەر سوڭى قاتتى قاقتىعىستارعا ۇلاسادى. وسىدان سوڭ وقيعا بولعان جەرگە پوليتسيا وتريادتارى كەلىپ, ولار ءتارتىپ بۇزعانداردىڭ بەسەۋىن قولعا تۇسىرەدى. وسى ورايدا, ەگيپەت سوتىنىڭ «مۇسىلمان باۋىرلار» ۇيىمىنىڭ كەز كەلگەن قىزمەتىنە تىيىم سالعانىن ايتا كەتۋ قاجەت.
اۋەجايداعى جارىلىستىڭ الدىن الدى
امەريكانىڭ فلوريدا شتاتىنداعى دجەكسونۆيلل قالاسىنىڭ اۋەجايىندا پوليتسەيلەر ەكى «كۇماندى زاتتى» تاۋىپ, زالالسىزداندىرعان. سونىڭ سالدارىنان جۇزدەگەن ادامدى قاۋىپسىز جەرلەرگە كوشىرۋگە تۋرا كەلگەن.
قازىرگى ۋاقىتتا اۋەجاي جۇمىسى قايتا قالپىنا كەلتىرىلدى. وقيعانىڭ سەبەبىن انىقتاۋمەن فەدەرالدىق تەرگەۋ بيۋروسى اينالىساتىن بولادى. ءسال بۇرىنىراق اۋەجاي اكىمشىلىگىنە تەرمينالداردىڭ بىرىنەن كۇماندى زات تابىلعانى تۋرالى حابار تۇسكەن ەكەن. سونىمەن بىرگە, قۇقىق قورعاۋ ورگاندارىنىڭ قىزمەتكەرلەرى تابىلعان زاتتاردىڭ كۇيرەتۋشىلىك سيپاتقا يە ەكەنىن دە اتاپ كورسەتكەن.
مادۋرو رەسەيلىكتەر ۇسىنىسىن قولدايدى
ۆەنەسۋەلا پرەزيدەنتى نيكولاس مادۋرو رەسەي پرەزيدەنتى ۆلاديمير ءپۋتيندى نوبەل سىيلىعىنا ۇسىنۋ جونىندەگى باستاماعا قولداۋ ءبىلدىردى. ونىڭ ايتۋىنشا, رەسەي باسشىسىنىڭ ءىس-قيمىلى الەمدى سيرياداعى سوعىستان ساقتاپ قالدى.
ەگەر وسىناۋ تاريحي ساتتە كىم دە كىم نوبەلدىڭ بەيبىتشىلىك سىيلىعىنا لايىق بولسا, ول سيريا حالقىنا قاتەر توندىرگەن سوعىستى توقتاتۋعا كومەك كورسەتكەن پرەزيدەنت ۆلاديمير پۋتين دەپ اتاپ وتكەن مادۋرو. وسىعان دەيىن مەملەكەتتىك دۋما دەپۋتاتتارى مەن قوعام قايراتكەرلەرى رەسەي پرەزيدەنتى ۆلاديمير ءپۋتيندى نوبەلدىڭ بەيبىتشىلىك سىيلىعىنا ۇسىنعان بولاتىن. دەپۋتات يوسيف كوبزوننىڭ ايتۋىنشا, رەسەي مەملەكەتىنىڭ باسشىسى بۇل اتاققا امەريكالىق كوشباسشى باراك وباماعا قاراعاندا الدەقايدا لايىق.
ينۆەستورلار گەيتستىڭ كەتۋىن تالاپ ەتۋدە
Microsoft كورپوراتسياسىنىڭ بىرقاتار ءىرى ينۆەستورلارى بيلل گەيتستىڭ ديرەكتورلار كەڭەسىنىڭ توراعاسى لاۋازىمىنان كەتۋىن تالاپ ەتۋدە.
رەيتەر اگەنتتىگىنىڭ مالىمەتتەرىنە قاراعاندا, كومپانيانىڭ 20 ءىرى سالىمشىلارىنىڭ ەسىمدەرى اتالماعان 3 ينۆەستورى ديرەكتورلار كەڭەسىندە وسىنداي شەشىمنىڭ قابىلدانۋىنا كۇش سالۋدا. جيىنتىعىندا كومپانيانىڭ 5 پايىزدان استام اكتسيالارىنا يە ينۆەستورلاردىڭ پىكىرىنشە, گەيتس وسى لاۋازىمدا وتىرىپ الىپ Microsoft-تى دامىتۋدىڭ جاڭا ستراتەگيالارىن قابىلداۋعا كەدەرگى كەلتىرۋدە. ونىڭ سىرتىندا ينۆەستورلار كومپانيا اكتسياسىنىڭ 4,5 پايىزىنا يە جانە اسا ءىرى جەكە ينۆەستور بولىپ سانالاتىن گەيتستىڭ وكىلەتتىگى ونىڭ كومپانياداعى ۇلەسىنە سايكەس كەلمەيدى دەپ ەسەپتەيدى.
جەرگە ەكى توننالىق سپۋتنيك قۇلاماق
2014 جىلدىڭ 1 قاڭتارىندا سالماعى شامامەن 1,7 توننا بولاتىن رەسەيلىك «مولنيا» سپۋتنيگى جەرگە قۇلايدى. تاياۋداعى بەس جىلدا وسى ۇلگىدەگى تاعى جەتى اپپارات وربيتادان شىعاتىن بولادى, دەلىنگەن «ۆىمپەل» كونتسەرنىنىڭ بايانداماسىندا.
مامانداردىڭ ەسەبىنشە, جەرگە 2003 جىلى ۇشىرىلعان №3-45 «مولنيا» قۇلاۋى ءتيىس. ودان كەيىن, ياعني 2015 جىلدىڭ تامىزىندا 1978 جىلى ۇشىرىلعان اپپارات, ال 2016 جىلى 2003 جىلى عارىشقا شىعارىلعان ەكى سپۋتنيك جەرگە قۇلايتىن بولادى. اپپاراتتاردىڭ ءدال قاي جەرگە تۇسەتىنى ايتىلماي وتىر.
ينتەرنەت ماتەريالدارى نەگىزىندە ازىرلەندى.
