قازاقستان رەسپۋبليكاسىنىڭ قارۋلى كۇشتەرىندە «قاراتاۋ-2013» تاكتيكالىق-ارنايى وقۋ-جاتتىعۋلارى اياقتالدى. وعان ارنايى ماقساتتاعى توپتار مەن قۇرلىق اسكەرلەرىنىڭ بارلاۋ بولىمشەلەرى قاتىستى. سونداي-اق, وقۋ تاپسىرمالارىن پىسىقتاۋعا اۋە قورعانىسى جانە اسكەري-تەڭىز كۇشتەرىنىڭ باسقارۋ ورگاندارى دا تارتىلدى.
قازاقستان رەسپۋبليكاسىنىڭ قارۋلى كۇشتەرىندە «قاراتاۋ-2013» تاكتيكالىق-ارنايى وقۋ-جاتتىعۋلارى اياقتالدى. وعان ارنايى ماقساتتاعى توپتار مەن قۇرلىق اسكەرلەرىنىڭ بارلاۋ بولىمشەلەرى قاتىستى. سونداي-اق, وقۋ تاپسىرمالارىن پىسىقتاۋعا اۋە قورعانىسى جانە اسكەري-تەڭىز كۇشتەرىنىڭ باسقارۋ ورگاندارى دا تارتىلدى.
قارۋلى كۇشتەردە «قاراتاۋ» وقۋ-جاتتىعۋلارى جىل سايىن وتكىزىلىپ تۇرادى. بيىلعى جاتتىعۋلار وتكەن جىلدارمەن سالىستىرعاندا, ءبىر عانا پوليگونمەن شەكتەلمەي, بارلىق وڭىرلىك قولباسشىلىقتاردىڭ بىرنەشە وقۋ ورتالىقتارىنىڭ بازاسىندا وتكىزىلدى.
بارلاۋشىلار بەس كۇن بويى شارتتى قارسىلاستى انىقتاۋ, بلوك قويۋ جانە ولاردى جويۋ بويىنشا تاجىريبەلىك ءىس-قيمىلداردى پىسىقتادى. جاتتىعۋلار بارىنشا شىنايى جاۋىنگەرلىك جاعدايعا جاقىن وتكىزىلدى. دالادا قونۋ, كەنەتتەن شابۋىل جاساۋ, شارتتى قارسىلاستىڭ جاۋاپ وق اتۋى سياقتى ۇرىس جۇرگىزۋدىڭ جەدەل-تاكتيكالىق جاعدايىندا جۇرگىزىلدى.
«قاراتاۋ-2013» وقۋ-جاتتىعۋلارىن قولباسشىلىق جوعارى باعالادى. بولىمشەلەر تاپسىرمالاردى ساۋاتتى ورىنداپ شىققانى ەرەكشە ايتىلدى. دايىندىق كەزىندە اسكەري قىزمەتشىلەر جاۋىنگەرلىك ازىرلىك دەڭگەيىن ارتتىرىپ, جاۋىنگەرلىك ءىس-قيمىلداردى ءجۇرگىزۋدىڭ ادىستەرى مەن تاكتيكاسىن جەتىلدىرە الدى.
«ەگەمەن-اقپارات».
