ەلىمىزدىڭ ءبىلىم جانە عىلىم سالاسىنداعى جاڭا قادامدارى جاڭاشا كوزقاراستى قاجەت ەتەدى. ەل پرەزيدەنتى ن.نازارباەۆ «قازاقستان-2050» ستراتەگياسىندا قالىپتاسقان مەملەكەتتىڭ ساياسي باعىتىن ايقىنداۋدا «قازىرگى الەمدە جاي عانا جاپپاي ساۋاتتىلىق جەتكىلىكسىز. ءبىزدىڭ ازاماتتارىمىز ۇنەمى ەڭ وزىق جابدىقتارمەن جانە ەڭ زاماناۋي وندىرىستەردە جۇمىس جاساۋ ماشىعىن مەڭگەرۋگە دايىن بولۋعا ءتيىس» دەپ اتاپ وتكەن بولاتىن.
الەمدىك وزىق تاجىريبەلەردى تارازىلاپ, تالداي وتىرىپ جاسالعان ەلىمىزدەگى ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىندا جوعارى وقۋ ورىندارىنىڭ قىزمەتىن جوعارى ءبىلىم بەرۋدىڭ الەمدىك ۇلگىسىنە سايكەستەندىرىپ, اكادەميالىق ۇتقىرلىقتى قالىپتاستىرۋ مىندەتى اتاپ كورسەتىلگەن.
ەلىمىزدىڭ ءبىلىم جانە عىلىم سالاسىنداعى جاڭا قادامدارى جاڭاشا كوزقاراستى قاجەت ەتەدى. ەل پرەزيدەنتى ن.نازارباەۆ «قازاقستان-2050» ستراتەگياسىندا قالىپتاسقان مەملەكەتتىڭ ساياسي باعىتىن ايقىنداۋدا «قازىرگى الەمدە جاي عانا جاپپاي ساۋاتتىلىق جەتكىلىكسىز. ءبىزدىڭ ازاماتتارىمىز ۇنەمى ەڭ وزىق جابدىقتارمەن جانە ەڭ زاماناۋي وندىرىستەردە جۇمىس جاساۋ ماشىعىن مەڭگەرۋگە دايىن بولۋعا ءتيىس» دەپ اتاپ وتكەن بولاتىن.
الەمدىك وزىق تاجىريبەلەردى تارازىلاپ, تالداي وتىرىپ جاسالعان ەلىمىزدەگى ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىندا جوعارى وقۋ ورىندارىنىڭ قىزمەتىن جوعارى ءبىلىم بەرۋدىڭ الەمدىك ۇلگىسىنە سايكەستەندىرىپ, اكادەميالىق ۇتقىرلىقتى قالىپتاستىرۋ مىندەتى اتاپ كورسەتىلگەن.
ءبىلىم بەرۋ جۇيەسى جوعارى بىلىك-داعدى مەن نارىقتىق ەكونوميكا جاعدايىندا ونى ءىس جۇزىنە پايدالانۋ قابىلەتىن قالىپتاستىرۋدى كوزدەۋى ءتيىس. قازىرگى قوعامدا باسەكەگە قابىلەتتىلىكتىڭ باستى بەلگىسى – مۇلتىكسىز ءبىلىم مەن تەحنولوگياعا يكەمدىلىك. سول سەبەپتەن ەلىمىزدىڭ بولاشاعى – زياتكەر ۇلت پەن يننوۆاتسياعا نەگىزدەلگەن ەكونوميكا.
وسى كەزەكتە ءاربىر جوعارى وقۋ ورنى جاۋىر بولعان شەڭبەردەن شىعىپ, بىلايشا ايتقاندا, قۇلاشتى كەڭگە سەرمەۋى كەرەك. ياعني, ەل ىشىندەگى وزگە دە ءبىلىم وردالارىمەن, مەكەمەلەرمەن قارىم-قاتىناس جاساۋمەن قاتار, شەتەلدىك ارىپتەستەرىمىزبەن دە تىعىز بايلانىس ورناتۋ اۋاداي قاجەت. وسىعان وراي ءبىزدىڭ ۋنيۆەرسيتەتىمىز بەن الىس-جاقىن شەتەلدىك ءبىلىم بەرۋ مەكەمەلەرى اراسىندا جەمىستى ارىپتەستىك قاتىناس ورناپ كەلەدى. ستۋدەنتتەر مەن ماگيسترانتتارىمىز «سىرتقا شىعىپ» بىلىمدەرىن جەتىلدىرسە, ۋنيۆەرسيتەتىمىزدەگى پروفەسسور-وقىتۋشىلىق قۇرامى پرەزيدەنتتىك «بولاشاق» باعدارلاماسى ارقىلى امەريكا, باتىس ەۋروپا ەلدەرىندە بىلىكتىلىگىن ارتتىرۋدا. بىرنەشە جىلدار بويى باشقۇرت مەملەكەتتىك پەداگوگيكالىق ۋنيۆەرسيتەتىمەن, شىڭجاڭ مەملەكەتتىك ۋنيۆەرسيتەتىمەن, شىڭجاڭ قارجى-ەكونوميكا ۋنيۆەرسيتەتىمەن ارىپتەستىك قارىم-قاتىناس نەگىزىندە ستۋدەنتتەر مەن وقىتۋشىلاردىڭ اكادەميالىق ۇتقىرلىعى جۇزەگە اسىرىلۋدا. الەۋمەتتانۋ سالاسى بويىنشا گۋمانيتارلىق باعىتتا ماماندانعان وقىتۋشىلارىمىز اقش ۋنيۆەرسيتەتتەرىندە بىلىكتىلىك كوتەرۋ كۋرسىنان ءوتتى. جەكەلەگەن وقىتۋشىلارىمىز ۇلىبريتانيانىڭ برۋنەل ۋنيۆەرسيتەتىندە «ءبىلىم بەرۋ سالاسىن باسقارۋ» ماماندىعى بويىنشا عىلىمي تاعىلىمدامادان ءوتىپ جاتىر. ستۋدەنتتەر مەن وقىتۋشىلاردى ءوزارا الماستىرۋ باعدارلاماسى نەگىزىندە وڭتۇستىك كورەيا ەلشىلىگىمەن كەلىسىمگە وتىرىپ, ءبىلىم جانە عىلىم سالاسى بويىنشا اۋقىمدى جوبالار جوسپارلاپ وتىرمىز.
قازىرگى ءبىلىم مەكەمەلەرىنىڭ كوسەگەسىن كوگەرتەتىن تاعى ءبىر جاعداي – ولاردىڭ ءوندىرىس جانە بيزنەسپەن وڭتايلى بايلانىس ورناتۋى. بۇل ماسەلەنىڭ دە باسقاسىن بىلاي قويعاندا, ماڭىزدى ءۇش قىرى بار: بىرىنشىدەن, ءبىلىم الۋشىلاردىڭ تەوريالىق تانىمىن پراكتيكالىق داعدىمەن ۇشتاستىرۋ, ونى ەرتەڭگى ومىرىندە دۇرىس پايدالانا ءبىلۋ قابىلەتىن قالىپتاستىرۋ; ەكىنشىدەن, كەلەشەك جۇمىس بەرۋشىگە قاراي جول سالۋ; ۇشىنشىدەن, ەلىمىزگە قاجەتتى تەحنولوگيالار ترانسفەرتى مەن ولاردى قولدانۋ ءۇشىن وندىرىسپەن بىرلەسە وتىرىپ تاتىمدى جوبالاردى جۇزەگە اسىرۋ نەگىزىندە ورتاق پايدا تابۋ. بۇل ءۇشىن ورتالىق پەن وڭتۇستىك قازاقستان جانە ورتالىق ازيا مەملەكەتتەرىنىڭ قاقپاسى بولىپ تابىلاتىن – ءبىزدىڭ باتىس ايماق, اسىرەسە, قولايلى مەكەن دەپ ايتۋعا تولىق نەگىز بار. كاسپي ماڭى ويپاتى, قاراشىعاناق مۇناي-گاز كەن ورنى, وزىمىزدە ورنالاسقان جاڭاجول گاز وڭدەۋ زاۋىتى, حرومتاۋ, ت.ب. ءوندىرىس ورىندارى بىلىكتى ماماندارعا ءزارۋ. ءبىزدىڭ ۋنيۆەرسيتەتىمىزدە وسىنداي ءوندىرىس سالاسىمەن اينالىساتىن «كاسپي مۇناي» اق, « ۇلى قابىرعا قازاقستان-قىتاي بۇرعىلاۋ كومپانياسى» جشس, «جايىق مۇناي» جشس سەكىلدى ءىرى كاسىپورىندار مەن مەكەمەلەردىڭ قارجىلاندىرۋى نەگىزىندە 100-دەن استام ستۋدەنت ءبىلىم الۋدا. ءبىز دە, ءوز كەزەگىمىزدە, ايماقتىق ءوندىرىس پەن قوعامدىق سۇرانىستى ەسكەرە وتىرىپ ماماندار دايارلاۋ ءىسىن سايكەس باعىتقا يكەمدەۋگە تىرىسۋدامىز. بۇگىنگى تاڭدا س.بايىشەۆ اتىنداعى اقتوبە ۋنيۆەرسيتەتىندە 24 ماماندىق بويىنشا باكالاۆريات, 8 ماماندىق بويىنشا ماگيستراتۋرا باعدارلاماسى جۇزەگە اسىرىلادى. وسىلايشا بارلىعىن العاندا 5 مىڭعا جۋىق شاكىرت ءبىلىم الادى.
مەملەكەت باسشىسى «جوعارى وقۋ ورىندارى ءبىلىم بەرۋ قىزمەتىمەن شەكتەلىپ قالماۋى ءتيىس. ولار قولدانبالى جانە عىلىمي-زەرتتەۋشىلىك بولىمشەلەرىن قۇرۋى جانە دامىتۋى قاجەت» دەگەن بولاتىن. وسى ماقساتتى جۇزەگە اسىرۋدا دا ءوز تاراپىمىزدان بەلگىلى دەڭگەيدە ۇلەسىمىزدى قوسىپ كەلەمىز دەپ ايتا الامىن. ۋنيۆەرسيتەتتە ىرگەلى زەرتتەۋلەرگە ارنالعان 3, قولدانبالى باعىتتاعى 2 جانە يننوۆاتسيالىق سيپاتتاعى 3 عىلىمي جوبا جۇزەگە اسىرىلۋ ۇستىندە. ولاردىڭ بارلىعى دەرلىك شارۋاشىلىق-كەلىسىمشارت نەگىزىندەگى زەرتتەۋ جوبالارى.
ماتەريالدىق قۇندىلىقپەن قوسا, ۋنيۆەرسيتەتىمىزدە رۋحاني سالاعا دا باسا ءمان بەرىلەدى. پەداگوگيكالىق جانە گۋمانيتارلىق باعىتتاعى پاندەردى وقىتۋدا جاڭا تەحنولوگيالاردى پايدالانۋ, ستۋدەنتتەردى سىني جانە شىعارماشىلىق تۇرعىدان ويلاۋعا ۇيرەتۋ, تاريح ءپانىن ۇيرەتۋدەگى ەرەكشەلىكتەر ءوز ورنىن تابۋدا. ماسەلەن, قازىرگى جوعارى وقۋ ورىندارىنداعى قازاقستان تاريحى ءپانىن وقىتۋ كۇردەلى جاعدايعا ۇشىراپ وتىر. وسىعان بايلانىستى بيىلعى ماۋسىم ايىندا استانادا وتكىزىلگەن قازاقستان رەسپۋبليكاسىنىڭ ۇلتتىق تاريحىن زەردەلەۋ جونىندەگى وتىرىستا مەملەكەتتىك حاتشى م.ءتاجيننىڭ بايانداماسى حالىق كوڭىلىنە قونىمدى بولدى. ول باياندامادا بەلگىلەنگەن قازاقستان تاريحىن جوعارى وقۋ ورىندارىندا وقىتۋ جانە زەردەلەۋدىڭ جاڭا باعىتتارى ءبىزدىڭ ۋنيۆەرسيتەت ۇجىمىندا دا كەڭ قولدانىس تاۋىپ وتىر.
حالەل قۇسايىنوۆ,
س.بايىشەۆ اتىنداعى اقتوبە ۋنيۆەرسيتەتىنىڭ رەكتورى, ەكونوميكا عىلىمدارىنىڭ دوكتورى, پروفەسسور, اكادەميك.
