ايماقتار • 02 ماۋسىم، 2020

تۇركىستان وبلىسى اۋماعىندا ماسكا كيۋ رەجيمى ساقتالادى

25 رەت كورسەتىلدى

تۇركىستان وبلىسىندا بارلىق بلوك-بەكەتتەر الىنىپ، قالا جانە اۋدانارالىق كولىك قاتىناسى ىسكە قوسىلدى. سونداي-اق كارانتيندىك رەجيمدى ساقتاي وتىرىپ، قوعامدىق ورىندار مەن نىساندار ءوز جۇمىسىن باستادى.

وڭىرلىك كوممۋنيكاتسيالار قىزمەتىندە وتكەن بريفينگتە وبلىستىڭ باس سانيتار-دارىگەرى نۇربەك نىشانوۆ جۇمىس ىستەۋىنە رۇقسات بەرىلگەن مەكەمەلەرگە كەڭىنەن توقتالدى. «كۇشەيتىلگەن سانيتاريالىق دەزينفەكتسيالاۋ رەجيمىن ساقتاي وتىرىپ، مىنا مەكەمەلەر ءوز جۇمىسىن باستادى: سپا ورتالىقتار، مونشا، باسسەيندەر، جاعاجايلار، حالىققا ارنالعان سپورت كەشەندەرى، فيتنەس ورتالىقتار، ساناتوري-كۋرورتتىق مەكەمەلەر، دەمالىس ۇيلەرى، كورەرمەنسىز مادەنيەت جانە سپورت مەكەمەلەرى، تەمىرجول ۆوكزالى مەن اۆتوۆوكزالدار، اۆتوستانتسيالار، حالىققا قىزمەت كورسەتۋ جانە جۇمىسپەن قامتۋ ورتالىقتارى، ۇلتتىق كومپانيالار. الەۋمەتتىك قاشىقتىق پەن ماسكالىق رەجيمدى ساقتاي وتىرىپ ساياباقتاردا، الاڭدار مەن سكۆەرلەردە، جاعالاۋلاردا سەرۋەندەۋگە رۇقسات بەرىلدى. سونداي-اق، سانيتارلىق-دەزينفەكتسيالىق رەجيمدى ساقتاي وتىرىپ، ءدىني نىساندار دا عيماراتتى 30%-عا دەيىن عانا تولتىرىپ ءوز جۇمىسىن باستاي الادى»، دەدى نۇربەك سادىقبەك ۇلى.

مەكەمەنىڭ شتات كەستەسىندە 30-دان استام قىزمەتكەر بولعان جاعدايدا جۇمىسشىلارىنىڭ كەمىندە 50 پايىزى قاشىقتان جۇمىس ىستەۋ رەجيمىندە قالادى. ءوز جۇمىسىن قايتا باستاعان نىسانداردا سانيتارلىق-دەزينفەكتسيالىق جانە سانيتارلىق-كارانتيندىك ءىس-شارالاردىڭ ساقتالۋىنا مونيتورينگ جۇرگىزۋ جالعاسادى. وبلىس اۋماعىندا ماسكا كيۋ رەجيمى ساقتالادى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار