كىتاپ ساۋداسى رەسەي ەكونوميكاسىنىڭ بويىنا قان جۇگىرتىپ تۇرعان سالالاردىڭ ءبىرى بولىپ سانالادى. سوندىقتان دا كارانتين كەزىندە باسپاحانا جۇمىستارى توقتاپ, كىتاپ ساۋداسى ۋاقىتشا توقىرادى. اركىم ءوز ۇيىندە وقشاۋلانعان جۇرت سورەسىندەگى بار كىتاپتى وقىدى, ياكي ونلاين كىتاپ دۇكەندەرىنە جۇگىندى. ءسويتىپ رەسەيلىك باسپالار ناۋرىز-ءساۋىر ايلارىندا 1 ميلليارد رۋبلگە شىعىنعا ۇشىراسا, ال كىتاپ دۇكەندەرى 3,2 ميللياردقا ۇتىلعان. بۇگىندە كىتاپ يندۋسترياسىنىڭ قايتا قالىپقا كەلىپ, بويىن تىكتەۋىنە مەملەكەت تاراپىنان قولداۋ كورسەتىلىپ جاتىر. اتالعان سۋبسيديا سونىڭ دالەلى.
رەسەيدەگى كىتاپ ءوندىرىسى سالاسىنىڭ احۋالى قانداي بولسا دا, بىزگە – قازاقستانعا تىكەلەي اسەر ەتەدى. نەگە دەسەڭىز, الەم ادەبيەتىندەگى كەز كەلگەن جاڭا تۋىندىنى ورىس تىلىنە اۋدارماسا, ول ءبىزدىڭ دۇكەندەرگە دە جەتپەيدى دەگەن ءسوز. كىتاپ ساۋداسىندا باتىس ەلدەرى مەن قازاقستاننىڭ اراسىندا التىن كوپىر اتانىپ تۇرعان رەسەي ەكەنىن ەسكەرسەك, بۇل جاڭالىق بىزگە دە جاعىمدى بولىپ تۇر.
