كەزەكتە تۇرعان الەۋمەتتىك وسال توپتارعا جانە كوپبالالى وتباسىلارعا 450 پاتەر, مەملەكەتتىك قىزمەتكەرلەرگە 1000-نان استام نەسيەلىك پاتەر تابىس ەتىلمەك.
وبلىس اكىمى ومىرزاق شوكەەۆ سالىنىپ جاتقان ۇيلەردى ارالاپ, قۇرىلىسشىلارمەن كەزدەستى. ءوڭىر باسشىسىنىڭ تاپسىرماسىنا سايكەس, تۇرعىن ۇيلەردىڭ قاسبەتى تۇتاستاي اشىق ءتۇستى تراۆەرتين مەن اق ءمارمار تاسپەن قاپتالۋدا. ولاردىڭ ساپاسىن تەكسەرىپ شىققان وبلىس اكىمى مەردىگەر كومپانيا جاۋاپتىلارىنا جۇمىس قارقىنىن جىلدامداتۋدى جۇكتەدى. «جۇمىس كولەمى وتە اۋقىمدى, ونى جاقسى تۇسىنەمىن. بىراق قازىر كىدىرەتىن كەز ەمەس. تەرەڭ جاۋاپكەرشىلىكتى سەزىنە ءبىلۋ ماڭىزدى. ءبىزدىڭ تاراپىمىزدان قانداي دا ءبىر كومەك كەرەك بولسا, تىكەلەي ايتىڭىزدار», - دەدى ومىرزاق ەستاي ۇلى. سونداي-اق قۇرىلىس باسىندا ساقتىق شارالارىن كۇشەيتە وتىرىپ, تاۋلىك بويعى جۇمىس كەستەسىنە كوشۋدى تاپسىردى.
تۇركىستان وبلىسى
