سپورت • 02 ماۋسىم، 2020

قازاقستاندىق تەننيسشىلەر بۋرابايدا جاتتىعادى

17 رەت كورسەتىلدى

تەننيستەن قازاقستاننىڭ ۇلتتىق قۇراماسى مەن دارىندى جاستاردان جاساقتالعان وتاندىق كوماندا وزدەرىنىڭ وقۋ-جاتتىعۋ جيىنىن اقمولا وبلىسى اۋماعىندا ورنالاسقان بۋراباي كۋرورتىندا وتكىزەدى.

بۋرابايعا ساپار شەككەندەر اراسىندا ياروسلاۆا شۆەدوۆا، ەلەنا رىباكينا جانە زارينا دياس سىندى شەبەرلەر بار. بۇل ويىنشىلاردىڭ بارلىعىنىڭ دا ەسىمى جانكۇيەرلەرگە جاقسى تانىس. ماسەلەن، كەزىندە الەمدىك رەيتينگتە 25 ساتىعا جايعاسقان 32 جاستاعى شۆەدوۆا جۇپتىق جارىستا ۋيمبلدون مەن اقش-تىڭ اشىق بىرىنشىلىگىندە جەڭىمپاز اتاندى. جەكەلەگەن سايىستا «ۇلكەن دۋىلعا» ساناتىنداعى تۋرنيرلەردىڭ شيرەك فينالىنا دەيىن جەتتى.

26 جاستاعى دياس قاتارىنان ەكى مارتە ۋيمبلدوننىڭ ءتورتىنشى كەزەڭىندە ونەر كورسەتتى. وسىدان بىرەر جىل بۇرىن ۇزدىكتەر تىزىمىندە 31 ورىندى ەنشىلەگەن ول بۇل كۇندەرى 64 ساتىعى تابان تىرەدى.

ال 20 جاستاعى ەلەنا رىباكينانىڭ قازىرگى قارقىنى تىپتەن كۇشتى. بىلتىرعى جىلدىڭ شىلدە ايىندا العاشقى جۇزدىككە ەنگەن ول بيىل بىرقاتار ءدۇبىرلى دودالاردا تابىستى ونەر كورسەتىپ، الەمدىك رەيتينگتە 17 ورىنعا كوتەرىلدى. ەلەناعا دەيىن وسى سپورت ءتۇرىن سەرىك ەتكەن بىردە-ءبىر جەرلەسىمىزگە بۇل بەلەس باعىنباعان ەدى. مىنە، وسىنداي حاس شەبەرلەرمەن بىرگە جاتتىققان جاس تەننيسشىلەردىڭ دە شەبەرلىك دەڭگەيى وسەتىنى ءسوزسىز.

ەكى اپتاعا سوزىلاتىن بۋرابايداعى وقۋ-جاتتىعۋ جيىنىنان كەيىن قازاقستاندىق تەننيسشىلەر الەمنىڭ ءار قيىرىندا وتەتىن بىرقاتار حالىقارالىق دودالارعا قاتىسۋدى جوسپارلاپ وتىر.  

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار