قازاقستان • 02 ماۋسىم، 2020

قازاقستاندا جول ساپاسى قاشان جاقسارادى؟

49 رەت كورسەتىلدى

2026 جىلعا قاراي رەسپۋبليكالىق ماڭىزى بار بارلىق جولدار جاقسى جانە قاناعاتتانارلىق جاعدايدا بولادى. بۇل تۋرالى يندۋستريا جانە ينفراقۇرىلىمدى دامىتۋ ءمينيسترى بەيبىت اتامقۇلوۆ بۇگىنگى حالىققا ەسەپ بەرۋ كەزدەسۋىندە مالىمدەدى.

«كەلەسى 6 جىل ىشىندە ءبىز 10 مىڭ شاقىرىم جولدى (ونىڭ ىشىندە 3،8 مىڭ كم وتپەلى جوبانى) سالۋ جانە قايتا قۇرۋ، سونداي-اق رەسپۋبليكالىق جەلىدەگى 11 مىڭ شاقىرىم اۆتوموبيل جولدارىن كۇردەلى جانە ورتاشا جوندەۋدى جوسپارلاپ وتىرمىز»،- دەدى مينيستر.

سونىمەن قاتار، اتامقۇلوۆ مينيسترلىك الدىندا ۇلكەن مىندەتتەر تۇرعانىن اتاپ ءوتتى: رەسپۋبليكالىق جانە رەسپۋبليكالىق ماڭىزى بار اۆتوموبيل جولدارىنىڭ ۇلەسىن 100% -عا جەتكىزۋ، I جانە II تەحنيكالىق ساناتتاعى اۆتوموبيل جولدارىنىڭ ۇزىندىعىن 60% دەيىن، اقىلى جولداردىڭ ۇلەسىن 45% دەيىن، جول بويىنداعى قىزمەت كورسەتۋ وبەكتىلەرىن 100% قامتۋ جوسپارلانعان.

ء«بىز تەمىرجول ءترانزيتىن 49% -عا، ياعني 18 دەن 26،9 ملن تونناعا دەيىن ارتتىرۋدى جوسپارلاپ وتىرمىز. ءبىز كونتەينەر ءترانزيتىن 2 ەسەگە ارتتىرىپ، 2025 جىلى 1،6 ميلليون كونتەينەرگە جەتكىزەمىز. جولاۋشىلار تاسىمالى جىلىنا 8،1-دەن 11 ملن ادامعا دەيىن (35% -عا) ارتادى»، -  دەدى ول.

ءمينيستردىڭ ايتۋىنشا، جوسپارلانعان جوبالاردى ىسكە اسىرۋ 550 مىڭ جۇمىس ورنىن قۇرۋعا مۇمكىندىك بەرەدى. ناتيجەسىندە كولىك سالاسىنداعى ەڭبەك ونىمدىلىگى 20 پايىزعا ارتىپ، ينۆەستيتسيالار 3 ەسەگە ارتادى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار