ايماقتار • 02 ماۋسىم، 2020

تۇركىستان وبلىسىندا جوعالعان قىزدار تابىلدى

202 رەت كورسەتىلدى

اناسىنىڭ ۇرىسقانىن كوڭىلىنە اۋىر الىپ قالعان 11 جاستاعى قىز ۇيىنەن شىعىپ، رەنىشى باسىلعانشا بارار جەرىن باعامداماي جۇرە بەرگەن.

جالعىز شىقپاپتى ۇيىنە قىدىرىپ كەلگەن 6 جاسار تۋىسقانىن ەرتە كەتكەن. جۇمىسىنان كەلگەن اكەسى قىزداردى ۇيدەن دە، ماڭايدان دا ىزدەپ تابا الماعان سوڭ سارىاعاش اۋداندىق پوليتسيا بولىمشەسىنىڭ كەزەكشى بولىمىنە ارىزدانادى. ارىزدانۋشىنىڭ ايتۋىنشا، قىزى ساعات 17:00 شاماسىندا ۇيلەرىنە قىدىرىپ كەلگەن 6 جاسار قىزدى ەرتە شىعىپ كەتىپ، قايتا ورالماعان.

اتالعان جايت پوليتسيا بولىمىندە تىركەلىپ، جوعالىپ كەتكەن جاسوسپىرىمدەردى ىزدەۋ جۇمىستارى جۇرگىزىلدى. وقيعا ورنىنا سارىاعاش اپب جپق يۋۆەنالدى پوليتسيا توبىنىڭ اعا ۋچاسكەلىك پوليتسيا ينسپەكتورى مۇرات پەرنەشوۆ، ينسپەكتورلارمەن بىرگە شىعىپ، كورگەن-بىلگەندەردەن جاۋاپ الىپ، جەدەل-ىزدەستىرۋ شارالارىن جۇرگىزدى. ءۇش ساعاتقا سوزىلعان ءىس-شارالار ناتيجەسىندە، جوعالىپ كەتكەن قىزدار ءوز ۇيىنەن 10 شاقىرىم قاشىقتىقتاعى كوشەلەردىڭ بىرىنەن تابىلدى.

پوليتسەيلەر تابىلعان ەكى قىزدى ۇيىنە اكەلىپ، وتباسىنا امان-ساۋ تاپسىردى. قىزدىڭ اكەسى سارىاعاش اۋداندىق پوليتسيا بولىمشەسىنىڭ قىزمەتكەرلەرىنە، ونىڭ ىشىندە مۇرات پەرنەشوۆكە العىسىن ءبىلدىردى.

 

تۇركىستان وبلىسى

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار