ايماقتار • 02 ماۋسىم، 2020

اتىراۋدا اۋلانعان بالىقتىڭ باسىم بولىگى ەكسپورتتالدى

841 رەت كورسەتىلدى

كوكتەمگى بالىق اۋلاۋ ماۋسىمىندا بالىقشىلار  6 492 توننا بالىق اۋلاپ، بولىنگەن ءليميتتىڭ 87 پروتسەنتىن  يگەرىپ وتىر.  

وبلىستىق بالىق شارۋاشىلىعى باسقارماسىنىڭ مالىمەتىنە سۇيەنسەك، بيىل جايىق-كاسپي باسسەينىنەن كوكتەمگى بالىق اۋلاۋ ماۋسىمىنا  7 434 توننا كۆوتا ءبولىنىپتى. سوعان سايكەس  كاسپي تەڭىزىنەن – 3 190 توننا، جايىق وزەنىنەن – 2 223 توننا، ال قيعاش وزەنىنەن  2 021 توننا بالىق اۋلاۋ جوسپارلاندى. بالىقشىلار اۋلاعان بالىق بىلتىرعى كورسەتكىشپەن سالىستىرعاندا،  794 تونناعا ءوسىپ وتىر. ويتكەنى  بىلتىر 5 698 توننا بالىق اۋلانعان ەدى.

– بيىل اۋلانعان بالىقتىڭ 5000 تونناسى وڭدەلىپ، 4069 تونناسى رەسەي فەدەراتسياسى، ۋكراينا، ازەربايجان جانە يزرايل ەلدەرىنە ەكسپورتتالدى. قازىر  اتىراۋ وبلىسىنىڭ  اۋماعىندا ءتۇرلى مەنشىك نىسانىنداعى 18 وندىرىستىك كاسىپورىن بالىق اۋلاۋ جانە قايتا وڭدەۋمەن اينالىسادى. ونىڭ اراسىندا ەكى  بەكىرە بالىعىن ءوسىرۋ زاۋىتى بار. ولار – «جايىق-اتىراۋ» بەكىرە بالىق ءوسىرۋ زاۋىتى» رمقك، «اتىراۋ بەكىرە بالىق ءوسىرۋ زاۋىتى» رمقك، - دەدى وبلىستىق بالىق شارۋاشىلىعى باسقارماسىنىڭ باسشىسى ارتۋر سادىبەك ۇلى.

سونداي-اق بيىل مەملەكەتتىك تاپسىرىستى ورىنداۋ ماقساتىندا بەكىرە بالىعىن ءوسىرۋ زاۋىتتارى ءۇشىن 269  بالىق اۋلاندى. وتكەن جىلى اۋلانعان بەكىرە تۇقىمداس بالىق سانى 241 بولاتىن.  

4

4

4

 

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار