قازىر جاڭاوزەندەگى ورتالىقتىڭ ىسكە قوسىلعانىنا ءبىر اپتا ۋاقىت بولدى. وسى ارالىقتا جەتى مىڭنان استام جاڭاوزەندىككە مەملەكەتتىك قىزمەت كورسەتىلدى. 700 ادام مەرزىمى وتكەن جەكە كۋالىكتەرى مەن تولقۇجاتتارىن راسىمدەپ ۇلگەردى. وسىنشا حالىققا ورتالىقتا نەبارى 15 مامان قىزمەت كورسەتەدى. ەلدەگى جاعدايعا بايلانىستى حالىق ىشكە كەزەكپەن اراقاشىقتى ساقتاپ كىرگىزىلەدى.
- بۇل ەڭ ءبىرىنشى كەزەكتە حالىق قاۋىپسىزدىگى ءۇشىن جاسالىپ جاتقان شارا. جاڭاوزەندەگى ورتالىق الدىنا حالىقتىڭ كەزەك كۇتۋىنە ىڭعايلى بولۋى ءۇشىن ارنايى شاتىرلار ورنالىستىرىپ, ورىندىقتار قويدىق. ورتالىق قىزمەتىنە جۇگىنۋ ساتىندە سابىرلىق تانىتىپ, تارتىپكە باعىنساق بۇل كەزەك كۇتكەن جاعدايلار دا ارتتا قالاتىن كەز كەلەدى, - دەيدى ماڭعىستاۋ وبلىسى بويىنشا «ازاماتتارعا ارنالعان ۇكىمەت» مەملەكەتتىك كورپوراتسياسى كە اق فيليال ديرەكتورى ەربول بايجىگىت.
