زور جاۋاپكەرشىلىك جۇكتەيدى

ەلباسىنىڭ ءداستۇرلى جول­داۋى ەل ءومىرىنىڭ وسكەلەڭ جاع­داي­عا جەتىپ, الەمدەگى الەۋەتتى مەم­لە­كەتتەر قاتارىنا ەنۋىن نەگىز­دەپ, حالىقتىڭ الەۋمەتتىك جاع­دايىن جاق­سارتۋعا باعىتتالىپ كەلەدى. ارينە, ءاربىر مەملەكەتتىڭ باستى بايلىعى ادام بولعان­دىق­تان, وعان قاجەتتى بارلىق ءمۇم­كىن­دىك قا­راستىرىلۋى ءتيىس. جول­داۋ­دا وسى مۇمكىن­دىكتەردىڭ باس-اياعى تۇگەل قامتىلعان. مەن سو­لار­دىڭ ىشىندە ءبىلىم بەرۋ باعىت­تارىنا بەرىلگەن جاۋاپكەرشىلىك جونىندە از-كەم پىكىر قوسسام دەيمىن. مەملەكەت باسشىسى ءاردايىم جاستارعا ءۇمىت ارتىپ, ەل ەرتەڭى­نىڭ تىزگىنىن جانە تۇتقاسىن ۇس­تاي­تىن ەلجاندى ازاماتتاردى تاربيەلەۋگە باسا نازار اۋدارىپ وتىر. بۇل تۇرعىدا ءوزىمنىڭ سول جاستاردىڭ قاتارىن­داعى ورنىم­دى جانە دە ءبىلىم بەرۋ سالا­سىندا ەڭبەك ەتەتىنىمدى السام, جولداۋ جۇك­تەگەندەي ءبىزدىڭ دە اتقارار جۇمىس­تارى­مىزدىڭ جاۋاپكەرشى­لىگى از ەمەس سياقتى. “بالاپان” ارنايى باعدارلاماسى بويىنشا, سونداي-اق 2020 جىلعا قاراي ورتا ءبىلىم بەرۋدە 12 جىلدىق وقىتۋ مودەلىنىڭ نەگىزدەرى بۇگىنگى مۇعا­لىمگە كوپ كوڭىل ءبولۋ قاجەتتىگىن ايعاقتاي تۇسەدى. ۇرپاق تاربيەسى قاي ءداۋىردىڭ دە تالابىندا تۇرعان باستى بورىش. سون­دىقتان, وعان دەگەن اتا-انا مەن مەكتەپتىڭ بىرلەسكەن جۇمىستارى باسەڭ تارتپاعان. ال. ءححى عاسىردىڭ وقۋ تالابى وتە كۇردەلى, ماڭىزدى بولىپ وتىر. ءويت­كەنى, جاڭا تەحنوليالىق دامۋ ايشىقتارىن وقۋشى سانا­سى­مەن ساباقتاستىرۋدىڭ ءساتتى قادامدارىن مۇعالىم مەڭگەرۋ كەرەك. ءبىز وسى مەڭگەرۋدىڭ مىڭ سان جولدارىن قاراستىرا وتى­رىپ, وقۋشىعا كەمەل كەلەشە­گى­مىز­دىڭ كوكجيەگىن كورسەتۋىمىز ءتيىس. مەن تاريحشى رەتىندە وقۋ­شىعا ءبىلىم مەن عىلىمدى قاتار الىپ ءجۇرۋدىڭ ادىستەمەسىن نەگىزگە الامىن. سول نەگىز كوپتەگەن وقۋشىلارعا وي سالىپ, عىلىمعا بەت بۇرۋعا العىشارت جاسايدى. دەمەك, ەلباسى جولداۋىندا ايتىلعانداي, ءبىلىم بەرۋ باعىتىنداعى جاۋاپكەرشىلىكتى سەزىنىپ, ءوز مىندەتىمىزگە ادال ەڭبەكپەن اتسالىسۋدى ابزال بورىشىمىز سانايمىز. گۇلجاۋھار ىسقاقوۆا, №222 ورتا مەكتەبىنىڭ تاريح ءپانىنىڭ مۇعالىمى. قىزىلوردا.