بۇل باعىتتا تۇركىستان قالاسى اۋماعىندا ازىق-ت ۇلىك بەلدەۋىن قالىپتاسىرۋ اياسىندا جاڭبىرلاتىپ سۋعارۋ تەحنولوگياسى ىسكە قوسىلىپ, قۋراپ, بوس جاتقان جەرلەرگە سۋ كەلە باستادى. «جاڭبىرلاتىپ سۋعارۋ تەحنولوگياسىنىڭ تيىمدىلىگىن ەسكەرە وتىرىپ, ەلىمىزدە كەڭىنەن ەندىرۋدى قاجەت دەپ سانايمىز. جاڭا تەحنولوگيانى جولعا قويۋ, بىلەك سىبانىپ وسىعان كىرىسۋ كەرەك. سالا ءۇش باعىتتا داميدى. ۇلكەن شارۋاشىلىق جاساپ, نە ورتا شارۋاشىلىقپەن جىلىنا 2-3 ءونىم الۋعا بولادى. بولماسا, كىشىگىرىم ءۇيدىڭ ىرگەسىندەگى جەردەن دە ءونىم الۋعا بولادى. كەيبىر اۋدانداردا بوس جاتقان, نە تال جوق, نە ەگىس جوق جەرلەر بار. جۇمىس ىستەتۋ كەرەك, بوس جاتقان جەر قالماۋ كەرەك», – دەدى وبلىس اكىمى ومىرزاق شوكەەۆ اپتالىق اپپارات ماجىلىسىندە.
وڭىردە 2-3 گەكتار القاپتان جىلىنا 2-3 رەت ءونىم الۋ جوباسىن ەندىرۋ ءوز ناتيجەسىن بەرۋدە. جوبانىڭ تيىمدىلىگى – 1 گەكتاردان جىلىنا 6-7 ملن تەڭگەگە دەيىن تابىس تابۋعا مۇمكىندىك بار. ءۇشىنشى باعىت – جەكە قوسالقى شارۋاشىلىقتاردىڭ اۋلاسىنا تامشىلاتىپ سۋعارۋ تەحنولوگياسىن ەندىرۋ ارقىلى ەرتە پىسەتىن كوكونىس, كارتوپ, باقشا ونىمدەرىن ءوندىرۋ. بۇل ءتاسىل – الەمدە اۋىل شارۋاشىلىعى ءونىمىن وندىرۋدەن, ەكسپورتتاۋدان ۇزدىك ەلدەردىڭ ءبىرى – يزرايل مەملەكەتىندە كەڭىنەن ەندىرىلگەن.
ايتا كەتەلىك, تۇركىستان وبلىسىندا كوكتەمگى ەگىستىك جۇمىستارى تولىعىمەن اياقتالدى. شارۋالار ەندى ەگىستىكتى ءارتاراپتاندىرۋ ماقساتىندا ءداستۇرلى ماقتا, ماساق داقىلدارىن ازايتىپ, ولاردىڭ ورنىنا كوكونىس, مال ازىعى مەن مايلى داقىلداردى كوبەيتۋدى قولعا العان.
تۇركىستان وبلىسى
