حالىقارالىق بالالاردى قورعاۋ كۇنىنە وراي كەشە وسكەمەن گارنيزونىنىڭ اسكەري قالاشىعىندا اسكەري قىزمەتشىلەردىڭ وتباسىنا ارنالعان ساياباق اشىلدى.
ساياباقتىڭ كىرە بەرىسىنە اسكەري قىزمەتشى وتباسىنىڭ ءمۇسىنى قويىلعان, ساياباق ءىشى اباتتاندىرىلىپ, گۇل كوشەتتەرى وتىرعىزىلىپتى. شارا اياسىندا وسكەمەن گارنيزونىنىڭ باسشىلىعى سانيتارلىق-ەپيدەميولوگيالىق تالاپتاردى ساقتاي وتىرا جاڭا احمەر قالاشىعىنداعى اسكەريلەردىڭ جانە مۇمكىندىگى شەكتەۋلى بالالار تاربيەلەپ وتىرعان وتباسىلارىنىڭ بالالارىن قۇتتىقتاپ, شوۋ-باعدارلاما ازىرلەپ, ەرتەگى كەيىپكەلەرىن شاقىرىپ, بالعىندارعا ەرەكشە مەرەكەلىك كوڭىل كۇي سىيلادى.
«اسكەريلەر بالالارعا سپورتتىق جابدىقتار مەن تاتتىلەردى سىيعا تارتتى. 25 مامىر مەن 1 ماۋسىم ارالىعىندا اسكەري قىزمەتشىلەردىڭ بالالارى اراسىندا «مەن ەلىمنىڭ باقىتتى بالاسىمىن» اتتى بايقاۋ وتكىزىلگەن بولاتىن. سول بايقاۋدىڭ قورىتىندىسى شىعارىلىپ, جەڭىمپازدار گارنيزون باسشىسىنىڭ گراموتالارىمەن ماراپاتتالدى. اسكەري قىزمەتشىلەر قالاشىق اۋماعىن تازارتۋعا جانە اباتتاندىرۋعا, ويىن الاڭىن جاڭارتۋعا ۇنەمى كومەك كورسەتىپ تۇرادى. ءار مەرەكە سايىن بالالارعا ەكسكۋرسيالار مەن كونتسەرتتەر, سونىمەن قاتار سپورتتىق ءىس-شارالار ۇيىمداستىرىلادى. بۇنىڭ ءبارى جاقسى داستۇرگە اينالىپ, جىلدان جىلعا جالعاسۋدا» دەيدى وسكەمەن گارنيزونى ءباسپاسوز قىزمەتىنىڭ جەتەكشىسى, كاپيتان نۇرجان مالگاجداروۆ.
وسكەمەن
