وبلىس اكىمى ومىرزاق شوكەەۆتىڭ توراعالىعىمەن وتكەن لەزدەمەلىك ماجىلىستە ءتۋريزمدى دامىتۋداعى وسىنداي قىزمەتتىك ەرەكشەلىكتەردى بايانداعان تۇركىستان قالاسىنىڭ اكىمى راشيد ايۋپوۆ وبلىس ورتالىعىن دامىتۋ باعىتىنداعى اتقارىلعان جۇمىستار مەن جوسپارلارعا دا توقتالدى. تۇركىستان قالاسىندا بىرقاتار قۇرىلىس جۇمىستارى شىلدە ايىندا تولىق اياقتالاتىنىن جەتكىزدى.
«ازىرەت سۇلتان» قورىق مۇراجايىنىڭ اۋماعىن اباتتاندىرۋ قۇرىلىسى 3 كەزەڭگە بولىنگەن. كارىز جۇيەسىن جۇرگىزۋگە جەر قازىلىپ, سۋ بۇرقاق الاڭىنا بەتون قۇيۋ جۇمىستارى جالاعاسۋدا. «تۇڭعىش پرەزيدەنت ساياباعىندا» بۇگىنگى تاڭدا جالپى كارىز جانە ەلەكتر جۇيەلەرى تولىقتاي اياقتالعان. جارىق جۇرگىزىلىپ, سىرتقى سۋ جۇيەسى ىسكە قوسىلدى.
ساياباقتا 2 مىڭداي اعاش وتىرعىزىلعان. سونداي-اق قالا اكىمى تۇركىستان قالاسى رۋحاني-مادەني ورتالىعىنىڭ الاڭ ىشىندەگى ينجەنەرلىك-ينفراقۇرىلىم قۇرىلىسى مەن درامتەاتر اۋماعىن اباتتاندىرۋ جۇمىستارى دا كەستەگە ساي جۇرگىزىلۋدە ەكەنىن ايتتى. كونە ساۋلەت ونەرىنىڭ كوزى – «كەرۋەن ساراي» كەشەنىنىڭ قۇرىلىسى الداعى كۇزدە اياقتالادى.
